________________ वचनमनःकायानां क्षोमं यत्नेन वर्जयेच्छान्तः / रसभाण्डमिवात्मानं सुनिश्चलं धारयेन्नित्यम् // 971 // औदासीन्यपरायणवृत्तिः किञ्चिदपि चिन्तयेनैव / यत्संकल्पाकुलितं चित्तं नासादयेत् स्थैर्यम् // 972 // यावत्प्रयत्नलेशो यावत्सङ्कल्पकल्पना काऽपि / ... तावन्न लयस्यापि प्राप्तिस्तत्त्वस्य का नु कथा // 973 // यदिदं तदिति न वक्तुं साक्षाद् गुरुणाऽपि हन्त शक्येत / औदासीन्यपरस्य प्रकाशते तत्स्वयं तत्त्वम् // 974 // एकान्तेऽतिपवित्रे रम्ये देशे सदा सुखासीनः / आचरणाग्रशिखाग्राच्छिथिलीभूताखिलावयवः // 975 // रूपं कान्तं पश्यन्नपि शृण्वन्नपि गिरं कलमनोज्ञाम् / जिघ्रन्नपि च सुगन्धीन्यपि भुञ्जानो रसान् स्वादून् // 976 // भावान् स्पृशन्नपि मृदूनवारयन्नपि च चेतसो वृत्तिम् / परिकलितौदासीन्यः प्रणष्टविषयभ्रमो नित्यम् // 977 // बहिरन्तश्च समन्ताच्चिन्ताचेष्टापरिच्युतो योगी / तन्मयभावं प्राप्तः कलयति भृशमुन्मनीभावम् // 978 // गृह्णन्ति ग्राह्याणि स्वानि स्वानीन्द्रियाणि नो रुन्ध्यात् / / न खलु प्रवर्तयेद्वा प्रकाशते तत्त्वमचिरेण // 979 // चेतोऽपि यत्र यत्र प्रवर्तते नो ततस्ततो वार्यम् / अधिकीभवति हि वारितमवारितं शान्तिमुपयाति // 980 // मत्तो हस्ती यत्नान्निवार्यमाणोऽधिकीभवति यद्वत् / . अनिवारितस्तु कामान् लब्ध्वा शाम्यति मनस्तद्वत् // 981 // यहि यथा यत्र यतः स्थिरीभवति योगिनश्चलं चेतः / तहि तथा तत्र ततः कथञ्चिदपि चालयेन्नैव . // 982 // 150
