________________ निर्वाणगमनसमये केवलिनो दरनिरुद्धयोगस्य / सूक्ष्मक्रियाप्रतिपाति तृतीयं कीर्तितं शुक्लम् // 900 // केवलिनः शैलेशीगतस्य शैलवदकम्पनीयस्य / उत्सन्नक्रियमप्रतिपाति तुरीयं परमशुक्लम् // 901 // एकत्रियोगभाजामाद्यं स्यादपरमेकयोगानाम् / . तनुयोगिनां तृतीयं निर्योगाणां चतुर्थं तु // 902 // छद्मस्थितस्य यद्वन्मनः स्थिरं ध्यानमुच्यते तज्ज्ञैः / निश्चलमङ्गं तद्वत्केवलिनां कीर्तितं ध्यानम् // .903 // पूर्वाभ्यासाज्जीवोपयोगतः कर्मजरणहेतोर्वा / शब्दार्थबहुत्वाद्वा जिनवचनाद्वाऽप्ययोगिनो ध्यानम् // 904 // आद्ये श्रुतावलम्बनपूर्वे पूर्वश्रुतार्थसंबन्धात् / पूर्वधराणां छद्मस्थयोगिनां प्रायशो ध्याने // 905 // सकलालम्बनविरहप्रथिते द्वे त्वन्तिमे समुद्दिष्टे / निर्मलकेवलदृष्टिज्ञानानां क्षीणदोषाणाम् // 906 // तत्र श्रुताद् गृहीत्वैकमर्थमर्थाद् व्रजेच्छब्दम् / . शब्दात् पुनरप्यर्थं योगाद्योगान्तरं च सुधीः // 907 // संक्रामत्यविलम्बितमर्थप्रभृतिषु यथा किल ध्यानी / व्यावर्तते स्वयमसौ पुनरपि तेन प्रकारेण // 908 // इति नानात्वे निशिताभ्यासः संजायते यदा योगी। आविर्भूतात्मगुणस्तदैकताया भवेद्योग्यः // 909 // उत्पादस्थितिभङ्गादिपर्ययाणां यदेकयोगः सन् / ध्यायति पर्ययमेकं तत्स्यादेकत्वमविचारम् // 910 // त्रिजगद्विषयं ध्यानादणुसंस्थं धारयेत् क्रमेण मनः / विषमिव सर्वाङ्गगतं मन्त्रबलान्मान्त्रिको दंशे - // 911 // 144
