________________ // 889 // // 890 // इच्छासंपन्नसर्वार्थमनोहारि सुखामृतम् / निर्विघ्नमुपभुञ्जाना गतं जन्म न जानते दिव्यभोगावसाने च च्युत्वा त्रिदिवतस्ततः / उत्तमेन शरीरेणावतरन्ति महीतले दिव्यवंशे समुत्पन्ना नित्योत्सवमनोरमान् / भुञ्जते विविधान् भोगानखण्डितमनोरथाः ततो विवेकमाश्रित्य विरज्याशेषभोगतः / ध्यानेन ध्वस्तकर्माणः प्रयान्ति पदमव्ययम् // 891 // // 892 // ___अथैकादशः प्रकाशः स्वर्गापवर्गहेतुर्धर्मध्यानमिति कीर्तितं तावत् / अपवर्गकनिदानं शुक्लमतः कीर्त्यते ध्यानम् // 893 // इदमादिमसंहनना एवालं पूर्ववेदिनः कर्तुम् / स्थिरतां न याति चित्तं कथमपि यत्स्वल्पसत्त्वानाम् // 894 // धत्ते न खलु स्वास्थ्यं व्याकुलितं तनुमतां मनोविषयैः / शुक्लध्याने तस्मानास्त्यधिकारोऽल्पसाराणाम् // 895 // अनवच्छित्त्याम्नायः समागतोऽस्येति कीर्त्यतेऽस्माभिः / दुष्करमप्याधुनिकैः शुक्लध्यानं यथाशास्त्रम् // 896 // ज्ञेयं नानात्वश्रुतविचारमैक्यश्रुताविचारं च / सूक्ष्मक्रियमुत्सन्नक्रियमिति भेदैश्चतुर्धा तत् // 897 / / एकत्र पर्ययाणां विविधनयानुसरणं श्रुताद् द्रव्ये / अर्थव्यञ्जनयोगान्तरेषु संक्रमणयुक्तमाद्यं तत् // 898 // एवं श्रुतानुसारादेकत्ववितर्कमेकपर्याये / अर्थव्यञ्जनयोगान्तरेष्वसंक्रमणमन्यत्तु // 899 // 143
