________________ जत्थ य पक्खिअसद्दो चउद्दसिसद्दो न तत्थ निद्दिवो।' निअयतवायभिहाणे अण्णुण्णं तेण पज्जाओ... // 235 // चउमासपुण्णिमातिगमुवइटुं बीअअंगि लेवस्स। ... एवं चेव विवेगो चउदसिसद्दम्मि नो दिवो . // 236 // ववहारवित्तिचुण्णीपीढि तह निसीह भासमाईसुं। जिणबिंबसाहुवंदणुवलिक्खिों पक्खि भणिअं . // 237 // आवस्सयचुण्णीए महानिसीहे अ पक्खचुण्णीए। पक्खिअतवपमुहेहिं जुत्ता वि चउद्दसी वुत्ता // 238 // तेणं चउद्दसीए पक्खिअसद्देण होइ पज्जाओ। न पुणो पुण्णिमदिवसे तवपमुहं पक्खिअंकज्जं // 239 // अह सावयअहिगारे चउपव्वीमज्झगत्ति काऊणं / कप्पिजइ निअमेणं तवपमुहो पक्खिओ वि विही // 240 // ता चउदसितवजुत्तो छट्ठो वुत्तो पि किं न पक्खतवो। जह चउदसितवजुत्तो चउमासदिणम्मि छद्रुतवो // 241 // अह चउमासगदिवसा पनरसदिवसेहिं पक्खिपडिकमणं / तेण वि पुण्णिमदिवसे पक्खिअकज्जं पि जुत्तिजुअं // 242 // जइ एवं संवच्छरिअपडिक्कमणाउ पक्खपडिकमणं / पन्नरसदिणेहिं जुत्तं पत्तं ता पंचमी पक्खो - // 243 // जइ पक्खि पि पुण्णिम अमावसा य त्ति तिहिदुगं हुज्जा / ता तुह नाम पि इमं पक्खे पक्खे हवइ भिन्नं // 244 // सिअपक्खे पुण्णिमिओ कण्हेऽमावासिओत्तऽवरनामा / अण्णह तुह नामम्मि अ अलिअं तह पक्खिअभिहाणे // 245 // जह पक्खिअपज्जाओ चउदसिसद्देण देसिओ वि तहा / न य पुण्णिमसद्देण दसाइचुण्णिप्पमुहसमए . // 246 // 308
