________________ तम्हा जत्थ नवीणं बिंबं निम्मविअ मट्टिआइमयं / महिअं अहिग्गहीहिं तत्थ विही नेव सत्थुत्तो // 223 // सेसहिगारी पइट्ठा पइठिअपडिमाणमासणट्ठवणा। अहिगारटुपवित्ती जह लट्ठिपइट्ठिआ य धया // 224 // कत्थ वि कलंकदाणं कत्थ वि सदाणमण्णहा लवणं / कत्थ वि पवयणपरमत्थभावसुण्णं पि तिलगवयं // 225 // दोहगतिगमुवजीविअ पइट्ठकप्पो कुवखतिलगेण / रइओ पुव्वायरिएवयणविरोहो महामोहो // 225 // दोहगतिगपरमत्थं न मुणइ कह मुणइ गणहराण वयं / रयणायरंगमियरं उस्सग्गववायरयणाए // 227 // न मुणइ मूढो पडिमा पइट्ठिआ सावरण तप्पुरओ। इरिआपमुहं किरिअं कुणंति कह साहुणो निउणा? - // 228 // एवं आगमजुत्त अवहीलिअ अण्णहा कहितस्स / न य लोओ अणुरत्तो अण्णं पिअ सो विचिंतिज्जा // 229 // पच्छा पुण्णिमपक्खिअमयमभिनिवेसओ अ संठविअं। संघे निवारयंते संघेण तओ कओ बाहिं // 230 // पक्खस्स मज्झमद्धम्मि मासस्स य मज्झ पुण्णिमं भणिअं। तेणं पुण्णिमपक्खिअमेवं जुजि पि जंपेइ // 231 // जइ एवं चउमासं चउहि मासेहिं तेहिं तिगुणेहिं। बारसमासा बच्छरपत्ती वि अ पुण्णिमासु हवे // 232 // आसाढपुण्णिमाए कत्तिअमासे व अहव फग्गुणए। पज्जोसवणा जुत्ता तुब्भ मए न उण भद्दवए // 233 // तम्हा जह वच्छरिअं भद्दवए पक्खिअंपि चउदसिए। इअ सासणसंकेओ अणाइसिद्धो मुणेअव्वो // 234 // 300
