________________ // 130 // // 131 // // 132 // // 133 // // 134 // // 135 // लोआणुवत्तिधम्मो लज्जा तह बंभचेररक्खा य / सीआतवदंसमसगपीडारहिअस्स सज्झाणं . पवयणखिसा परवग्गमोहुदयवारणं च वत्थेहिं / तसथावराण जयणा पत्तेहिं तहेव विण्णेआ संजमनिमित्तमित्तं उवगरणं तं परिग्गहो न भवे / जह रयणामयजिणवरपडिमा तइंसणमईणं सेसं पुण अहिगरणं मुच्छाविसओ परिग्गहो होइ। जह पिच्छिआकमंडलुदेहप्पमुहं तुहं भणिअं जइ चीवरवरिआणं न केवलं तं हवे तयावरणं / उप्पण्णं पि कयाइ चीवरजोगे विलिइज्जा एवं चिअ कप्पिज्जइ चीवरवरिआण जइ न सुअणाणं / घोसिज्जंतं हुज्जा लुप्पिज्जा अहव भणिअंपि तम्हा केवलणाणं णाणावरणक्खयम्मि सो अ पुणो। सुहझाणा सुहझाणं पायं बाहाविरहिअस्स बाहा पुण णेगविहा तयभावोऽणेगकारणेहिं भवे / कत्थ वि असणाईहिं कत्थ वि वत्थाइवत्थूहिं इअ विण्णेयं धम्मोवगरणअइरित्तु परिगहो होइ / अण्णह असणाईहिं सरीरपोसो तुमं दोसो जुत्तं जं निव्वाणं तुह सासणि कह वि नत्थि इत्थीणं / तं खलु मोहाभावा सो तासिं नेव संभवइ देवगुरुमुहपलोअणइच्छाए आगयाण इत्थीणं / पढमं मिढनिरिक्खणमिह हुज्जा तं महामोहो तम्हा तुमं पिं वत्थं इत्थीअणुकंपयाइ जइ धरसि। ता दुण्ह वि निव्वाणं अन्नह दुण्हं पि दुग्गइओ // 136 // // 137 // // 138 // // 139 // // 140 // // 141 // 356
