________________ ण उणं पियामहस्सा जं सो संतो विसिय न दिट्ठो वि / पोत्तेण कालगज्जो, अलक्खिऊणो जहा णमिओ // 68 // एएण गुरुअभावे ठवेइ पट्टम्मि णण्णहा कह वि / जं पट्टधरो पट्टे ठवेइ अण्णो व कइया वि // 69 // पट्टधरो पुण गुरुणो परुक्खभावं विणा न होइ त्ति / सवणाणरिहं वयणं, सुअणाणं दंसि सम्मं // 70 // गुरूसीसपसीसाणं जुगवं चिअ गणहरत्तणमिणं जं / ता सिद्धो पट्टधरो, ठविओ अप्पाउओं वि पए णणु गुरुणा ते ठविआ, संतम्मि गुरुम्मि नियपए सीसा / तस्सेव ते हु पट्टे संतस्स य वा असंतस्स // 72 // जइ नो ठविआ हुंता पितामहो ता नियम्मि पट्टम्मि / जुग्गं कंचिअ सीसं, ठावंतो ण उण सीसपए // 73 // मज्झत्थाण जणाणं उप्पज्जइ कह वि णो इमं वयणं / रागद्दोसवसेणं अभिगहबुद्धीण पुण किं तु . // 74 // जं सीसपसीसाणं जुगवं चिय गणहरत्तणं भणिअं / णो तम्मि पसिणमिणमो लहेइ अवकासमवि किंचि // 75 // जम्हा ठवेइ जो जं सो तप्पट्टम्मि नत्थि नियमो त्ति / जस्सुद्देसेणं जो ठविओ सो तस्स पट्टम्मि // 76 // इगवंसाण निवाणं पिहु पिहु रज्जम्मि ठावणा जह य / निययेणण्णेणहवा कीरइ तह होइ इहयं पि // 77 // तम्हा एवं सिद्धं जस्स गणो, आसि सगुरुणा दिण्णो / कह सो अण्णस्स गणो दिण्णं णादिण्ण मिय जम्हा // 78 // ता तस्स चेव पट्टे, जुग्गो जो होइ सो उं ठवणिज्जो / एवं पियामहो जइ सक्खं ता सो ठवेइ तयं . // 79 // 354
