________________ // 1 // = // 2 // // 3 // // 4 // = = श्रीमज्जिनदत्तसूरिविरचिता // सन्देहदोलावली // पडिबिम्बिय पणयजयं जस्संघिरुहोरुमुउरमालासु / सरणागयं व नज्जइ तं नमिय जिणेसरं वीरं कइवयसन्देहपयाणमुत्तरं सुगुरुसंपयाएणं / वुच्छं मिच्छत्तमओ तमन्नहा होइ संसइयं सुगुरुपयदंसणं पइ कयाभिलासेहिं सावयगणेहिं / परमसुहकम्मपयडिप्पडिसिद्धतदिट्ठसङ्गेहिं / गीयत्थाणं गुरूणं अदंसणाओ कहं भवे सवणं / सवणं विणा कहं पुण धम्माधम्मं विलक्खिज्जा कहमित्थ पयट्टाणं धम्मो संभवइ कहमधम्मो य / धम्मो वि दुहा इह दव्वभावभेएहिं सुपसिद्धो त्ति गड्डरियपवाहाओ जो पइनयरं दीसए बहुजणेहिं / . जिणगिहकारवणाई सुत्तविरुद्धो असुद्धो अ सो होइ दव्वधम्मो अपहाणो नेय निव्वुई जणइ त्ति / सुद्धो धम्मो बीओ महिओ पडिसोयगामीहिं जेण कएणं जीवो निवडइ संसारसागरे घोरे / तं चेव कुणइ कज्जं इह सो अणुसोयगामी उ. जेणाणुट्ठाणेणं खविय भवं जंति निव्वुइं जीवा / तक्करणरुई जो किर नेओ पडिसोयगामी सो. पढमगुणट्ठाणे जे जीवा चिटुंति तेसिं सो पढमो / होइ इह दव्वधम्मो अविसुद्धो बीयनामेणं अविरयगुणट्ठाणाईसु जे य ठिया तेसिं भावओ बीओ। तेण जुया ते जीया हुंति सबीया अओ सुद्धो 260 // 6 = // 7 = // 8 // // 9 // // 10 //
