________________ अणुपालिओ य दीहो परियाओ, वायणा य मे दिण्णा / निष्फाइया य सीसा, सेयं खलु अप्पणो काउं. // 108 // किंतु अहालंदविहिं जिणकप्पाईणि किंच पडिवज्जे / तुलिऊण अप्पयं सो भत्तपरिण्णाइ कुणइ मई // 109 // जाव य सुई न नासइ, जाव य जोगा न मे पराहीणा / जाव य खेम सुभिक्खं, जाव य निज्जावया सुलभा / // 110 // ताव खमं मे काउं सरीरनिक्खेवणं विउपसत्थं / गागियो तच्छिण्णसजीक्यिांसो य इय निच्छियपरिणामो वुच्छिण्णसजीवियांसो य / // 111 // संजमसाहणमित्तं उवहिं मुत्तूण सेसयं चयइ / सुद्धो विसुद्धलेसो साहू मुत्तिं गवसंतो // 112 // जे साहू पंचविहं सुद्धिमलद्धूण मुत्तिमिच्छंति / पंचविहं च विवेयं ते हु समाहिं न पाविति // 113 // आलोयण सिज्जाए उवहीए तह य भत्त-पाणस्स / वेयावच्चकराण य, सुद्धी खलु पंचहा भणिया // 114 // इंदिय-कसाय-उवहीण भत्त-पाणस्स तह सरीरस्स / एस विवेओ भणिओ पंचविहो दव्व-भावगओ // 115 // सव्वत्थ निम्ममत्तो समाहियप्पा विमुक्कउक्करिस्सो / निप्पणयपेमराओ हविज्ज सव्वत्थ समभावो // 116 // संलेहणं करितो सव्वं सुहसीलयं पयहिऊणं / भावसिइमारुहंतो विहरिज्ज सरीरनिविण्णो // 117 // उवरुवरि सगुणठाणं पडिवज्जिंतस्स होइ भावसिई। . दव्वसिई निस्सेणी पासायमिवाऽऽरुहंतस्स // 118 // अह सो सिइमारूढो उवहयमवहाय वसहिमुवहिं वा / गणिणा सह संलावो, कज्जं पइ सेससाहूहिं / // 119 //
