________________ जंघाबलपरिहीणो हुज्जा, चक्टुं व दुब्बलं जस्स / अरिहइ भत्तपरिणं सो विरओ वा अविरओ वा // 60 // अणवरयमणइयारं सुहेण ओसरइ जस्स सामण्णं / / . सो पच्छिंतो मरणं भण्णइ सामण्णनिविण्णो // 61 // मुहणंतय रयहरणं वोसट्टसरीरया अचेलकं / सिरलोय पंचभेओ उस्सग्गियलिंगकप्पो से // 62. // संजमजत्तासाहणचिंघं जणपच्चओ ठिईकरणं / गिहिभावविवेगो वि य लिंगग्गहणे -गुणा हुंति तं लिंगमहाजायं अव्वभिचारी सरीरपडिबद्धं / उवही पुण थेराणं चोद्दसहा सुत्तनिद्दिट्ठो . // 64 // सीसोवरिकायपमज्जणाय मुहमरु-तसाइरक्खट्ठा / रय-रेणुरक्खणट्ठा दिटुं मुहणंतयं मुणिणो // 65 // रय-सेयाण ग्गहणं (?) मद्दव सुकुमारया लहुत्तं च / जत्थेए हुंति गुणा तं रयहरणं पसंसंति // 66 // गहणे निखेव विवेगे ठाण णिसीयणे सयणे (?) / उव्वत्तणमाईसुं पमज्जणट्ठाइ रयहरणं // 67 // अब्भंग-सिणाणुव्वट्टणाणि नह-केस-मंसुसंठप्पं / वज्जेइ दंत-मुह-नासिय-ऽच्छि-भमुहाइसंठवणं // 68 // जल्ल-मलदिद्धदेहो लुक्खो लोयकड-वियड-बीभच्छो / जो रूढणक्ख-रोमो सो गुत्तो बंभचेरम्मि जुण्णेहिं खंडिएहि य असव्वतणुपाउएहि मइलेहिं / . चेलेहिं सचेल च्चिय अचेलया हुंति मुणिवसभा // 70 // गंथच्चाओ लाघवमप्पडिलिहणं च गयभयत्तं च / . संसज्जणपरिहारो अणायरो देहसोक्खेसु // 71 //
