________________ // 880 // एवं एयं सव्वं दुक्खं चउगइगयम्मि जं पत्तो। तत्तो अणंतभाओ होज्जा न य दुक्खमेयं ते / // 876 // संखिज्जमसंखिज्जं कालं ताई अवीसमंतेण / दुक्खाई सोढाइं, किं पुण अइअप्पकालमिणं ? - // 877 // जइ ता तारिसयाओ सोढाओ वेयणाओ अवसेण / धम्मो त्ति इमा सवसेण कहं सोढुं न तीरिज्जा ? // 878 // तण्हा अणंतखुत्तो संसारे तारिसी तुमं आसी / जं पसमेउं सव्वोदहीणमुदयं न तीरिज्जा . // 879 // आसी अणंतखुत्तो संसारे ते छुहा वि तारिसिया / ... जं पसमेउं सव्वो पुग्गलकाओ वि न तरिज्जा जइ तारिसिया तण्हा छुहा य अवसेण सा तए सोढा / धम्मो त्ति इमा सवसेण कहं सोढुं न तीरिज्ज ? // 881 // सुइपाणएण अणुसट्ठिभोयणेण य उवग्गहीएण / झाणोसहेण तिव्वा वि वेयणा तीरए सहिउं . // 882 // भीओ व अभीओ वा निप्पडिकम्मो व सपडिकम्मो वा।। मुच्चइ न वेयणाओ जीवो कम्मे उदिनम्मि // 883 // संलेहणापरिस्सममिमं कयं दुक्करं च सामन्नं / मा अप्पसोक्खहेउं तिलोयसारं विणासेहि // 884 // तम्हा कलेवरकुडी पव्वोढव्व त्ति निम्ममो दुक्खं / कम्मफलमविक्खंतो विसहसु निव्वेयणो चेव // 885 // इय पन्नविज्जमाणो तो पुव्वं जायसंकिलेसाओ। . विणियंतो तं दुक्खं पस्सइ परदेहदुक्खं व // 886 // रायाइमहिड्डीयागमणपओगेण वा वि माणिस्स। माणजणणेण कवयं कायव्वं तस्स खवयस्स . // 887 // 74
