________________ नवमं लोहऽभिहाणं एहिय-परभवियदुहसयनिहाणं / दसमं पुण मुण पिज्जं पविओगवसीकरणविज्जं // 528 // जम्म-जर-मरणकोसों तहेव इक्कारसं हवइ दोसो / कलहो तह बारसमं विरोहपायारदारसमं // 529 // तेरसमऽब्भक्खाणं दुग्गइदेसंतरम्मि गुरुजाणं / अणुयं पि नाभिरामं चउदसमं अरइरइनाम / // 530 // पनरसमं पेसुन्नं अइतिव्वाऽणत्थसत्थपडिपुत्रं / जणमणछलणपिसाओ सोलसमं परपरीवाओ // 531 // भवइ य मायामोसं सतरसमं विहियपावपरिपोसं / अट्ठारसमं मिच्छादसणसल्लं तह महल्लं // 532 // तह अकरणिज्जजोगं चएमि अन्नं पि किं पि जमजोग्गं / पावपएसु इमेसु य नेया गुण-दोसआहरणा // 533 // हिंसाए दमग-सावयसुओ य अलिए वसू य सामज्जो / तइए य ललियगोट्ठी दोसि; गुणे नागदत्तो य // 534 // तुरिए मणिरह सुइसणो य मुच्छाए मम्मणो जंबू / कोहे करडो वीरो सुब्भूमो चंदणा माणे // 535 // माया असाढ अंगय लोभम्मि लोभनंदि वयरो य / पिज्जे सत्थाही रक्खियज्ज दोसे य खंद दमदंतो // 536 // कलहे कूणिय निहिवणि ऽभक्खाणे धणसिरी य मेयज्जो / अरइरइसंजमेसु य नाया सिरिपुंडरीयरिसी // 537 // अस्संजमे अरइरइनायं सिवकुमर बंभदत्तो य / पिसुणे: सुबंधु मुणिवइ परिवाए सुभद्दससुर समियमुणी // 538 // मायामोसे खवगो तिकूडगामस्सिओ विदेहवणी / मिच्छासल्लि तिविक्कम सुलसा, इय दोस-गुणनाया // 539 // 45
