________________ रयण-मणि-फलिह-मणसिल-सुंचल-हरियाल-सिंधव-रसिंदा / हिंगुल-सोवीरंजण-कक्कर-पासाणपमुहा उ // 360 // पुढविक्काइयजीवा भवं भमंतेण जे मए केवि / अभिहयमाइपएहिं विराहिया ते वि खामेमि // 361 // कूवाइ-बुट्ठिउदयं हरतणु-हिम-करग-ओस-घणउदही। महियाइ आउजीवे जे वहिए ते अहं खामे // 362 // कणगा-ऽसणि-विज्जुक्का-मुम्मुर-इंगाल-जालमाईया / / तेउकाइयजीवा पयाविया ते वि खामेमि // 363 // घण-तणु-मंडलि-मह-सुद्ध-गुंज- उब्भामगुक्कलीवाया / . एमाइवाउजीवे खामेमि जे मए निहए // 364 // वणसइजिय दुह वुत्ता सुत्ते साहारणा य पत्तेया / एगाऽणंताण तणू जाणं साहारणा ते उ // 365 // मूलय-सूयरि-वल्ला अल्लं सव्वा वि कंदजाई य / अल्लहलिद्दा सूरणकंदो तह वज्जकंदो य . // 366 // गज्जरि कुमारि थोहरि वंसकरिल्ला य लूणय गलोई / लसुणं लोढा खिलहुड किसलपत्ताई गिरिकन्नी // 367 // भूमिरुहा विरुहाई खरिंसुया टक्क वत्थुलो पढमो / वणपत्ताई विराली सत्तावरि कोमलंबिलिया // 368 // अल्लकचूरो आलू पल्लंकाई तहेव पिंडालू / थेगऽल्लमुत्थ लोणय रुक्खच्छली अमयवल्ली // 369 // ऐए अन्ने वि मए जीवा साहारणा उ जे निहया / ते सव्वे खामेमी अह पत्तेए खमावेमि // 370 // धव-खइर-पलासा निंब-जंबु-सहकार-तिणिस-नग्गोहा / साल-तमाल-असोगा चंपय-पुनागसंताणा // 371 // 39
