________________ दारुमइउ व्व होउं पायं अहुणा जणो सुणइ धम्मं / जेण न भावणइंधं दीसइ केणावि अंगेणं . // 12 // धाउसु सुवन्नधाऊ संवेगरसो व्व दीसए थोवो / परदेहे वि निविट्ठो तेण न दिट्ठो पिओ कस्स? // 13 // धाऊसु कणय थोवं परदेहठियं पि जणइ जह हरिसं / सव्वरसेसु तह च्चिय संवेयरसो वि पुण दुलहो // 14 // संवेगभावणाए रसचव्वणमणुखणं पि कुणमाणो। पावेमि जं न तत्तिं मुत्तिसुहं तं मह इहं पि // 15 // इय वयणमणुसरंती किरिया वि हु जह मणं सुहावेइ / तिहुयणसिरी वि ता न णु करपंकयगोयरं पत्ता // 16 // निद्दा घुम्मिरहियओ मन्ने लोओ सुणेइ धम्मझुणि / जेणुज्झियसंसारो पव्वज्जं नो पवज्जेइ . // 17 // गहियाइ वि दिक्खाए अज्ज वि मन्नामि तं तहच्चेव। जं उल्लसंतचित्तो नियसत्तिं नो तुलइ धम्मे // 18 // सेविज्जंतं निच्चं सक्करपमुहं पि जणइ उव्वेयं / वनसरेणं सव्वं धम्म मुत्तूण सुहजणयं // 19 // निरवच्चा वि हु धूया दूहवविहवा सवत्तिसंजुत्ता। गयसीला मयपुत्ता धिरत्थु जा एरिसी महिला // 20 // हा दिव्व ! दिव्व ! तुमए ईसे महिलाइ कि कओ जम्मो ? / किं न विलीणा गब्भे जं न अखंडो कओ धम्मो // 21 // भणवि भणवि जो इय धम्मु न कन्नि धरेसि। जीवि तुटूंति धणुह जिम्व, बहु पच्छा झूरेसि // 22 // एउ तहारुं एउ महु, एउ करंतु म अच्छि / समहि पलोयणि गुणनिह, जइ इच्छहि सिवलच्छि // 23 // .. . Ge
