________________ एवं च वच्चंतेसु दियहेसु महारहसाहू वि नाऊण थोवसेसं आउयं . दिन्नगुरुयणालोयणो पडिकंतसव्वपावट्ठाणो संलेहणासंलिहियंगो सव्वहा कयसव्वकायव्वो उवविट्ठो संथारए / तत्थ य नमोक्कारपरमो अच्छिउं पयत्तो * * // 238 // एस करेमि पणामं अरहंताणं विसुद्धकम्माणं / सव्वाइसयसमग्गा अरहंता मंगलं मज्झ // 239 // उसभाईए सव्वे चउबीसं जिणवरे नमसामि / होहिंति जे वि संपइ ताणं पि कओ नमोकारो // 240 // ओस(? उस्स)प्पिणि तह अवसप्पिणीसुः सव्वासु जे समुप्पण्णा / तीयाणागयभूए सव्वे वंदामि अरहंते // 241 // भरहे अवरविदेहे पुव्वविदेहे य तह य एरवए। पणमामि पुक्खरद्धे धायइसंडे य अरहते // 242 // अच्छंति जे वि अज्ज वि णर-तिरिए देव-नरयजोणीसु / एगाणेगभवंतरभविए वंदामि तित्थयरे // 243 // तित्थयरनाम-गोयं वेएंते बंधमाण बद्धे य / बंधिंसु जे वि जीवा अज्जं चिय ते वि वंदामि // 244 // विहरंति जे मुणिंदा छउमत्था अहव जे गिहत्था वा / उप्पन्ननाणरयणा सव्वे तिविहेण वंदामि // 245 // जे संपइ परिसत्था अहवा जे समवसरणमज्झत्था / देवच्छंदगया वा जे वा विहरंति धरणियले // 246 // साहेति जे वि धम्मं जे वि न साहेति छिनमयमोहा। वंदामि ते वि सव्वे तित्थयरे मोक्खमग्गस्स // 247 // तित्थयरीओ तित्थंकरे य सामे य कसिणगोरे य / मुत्ताहल-पउमाभे सव्वे तिविहेण वंदामि // 248 // 204
