________________ कत्थइ खासेण मओ, कत्थइ सोसेण सोसियसरीरो / कत्थइ जरेण वहिओ, कत्थइ उयरेण भग्गो हं // 144 // कत्थइ कुटेण अहं सडिओ सव्वेसु चेव अंगेसु। कत्थइ भगंदरेणं दारियदेहो गओ निहणं // 145 // दंतवियणाए कत्थइ, कत्थइ निहओ मि कण्णसूलेणं / / अच्छीदुक्खेण पुणो, सिरवियणाए गओ निहणं // 146 // कत्थइ रुहिरपवाहेण नवर णित्थामयं गयं जीयं / कत्थइ पुरीसवाहो ण संठिओ जाव वोलीणो . // 147 // कत्थइ लूयाए हओ, कत्थइ फोडीए कह वि निहओ हं। .. कत्थइ मारीए पुणो, कत्थइ पडिया चडिक्का मे // 148 // कत्थइ फोडेहिं मओ, कत्थइ सूलेण णवर पोट्टस्स। कत्थइ वज्जेण हओ, कत्थ वि पंडिओ मि टंकस्स // 149 // कत्थइ सूलारूढो, कत्थइ उब्बंधिऊण वहिओ हं। कत्थइ कारिमसेवा, कत्थइ मे गुग्गुलं धरियं. // 150 // कत्थइ जलणपविट्टो, कत्थइ सलिलम्मि आगया मच्चू / / कत्थइ गएण मलिओ, कत्थइ सीहेण गिलिओ हं // 151 // कत्थइ तण्हाए मओ, कत्थइ सुक्को बुभुक्खवियणाए / कत्थइ सावयखद्धो, कत्थइ सप्पेण डक्को हं // 152 // कत्थइ चोरविलुत्तो, कत्थइ भुत्तो म्हि सनिवाएणं / कत्थइ सिंभेण पुणो, कत्थइ हो ! वात-पित्तेहि // 153 // कत्थइ इट्ठविओए, संपत्तीए अणिट्ठलोयस्स। . कत्थइ सज्झसभरिओ उव्वाओ कत्थइ मओ हं // 154 // कत्थइ चक्केण हओ, भिण्णो कुंतेहिं लउंडपहरेहिं / छिण्णो खग्गेण मओ, कत्थइ सेल्लेण भिण्णो हं // 155 // 14
