________________ नमिऊण सव्वसिद्धे निद्भूयरए पसंतसव्वभए / वोच्छं मरणविभति पंडिय-बालं समासेणं // 132 // नाऊण बालमरणं पंडियमरणेण नवरि मरियव्वं / बालं संसारफलं, पंडियमरणं च नेव्वाणं // 133 // को बालो? किं मरणं ? बालो नामेण राग-दोसत्तो / दोहिं चिय आगलिओ जं बद्धो तेण बालो त्ति // 134 // मरणं पाणच्चाओ, पाणा उस्सासमाइया भणिया। ताणं चाओ मरणं, सुण एण्हिं तं कहिज्जतं // 135 // कललावत्थासु मओ अब्बुयभावे वि कत्थइ विलीणो / गलिओ पेसीसमए गब्भे बहुयाण णारीणं // 136 // पिंडीमेत्तो कत्थइ गलिओ खारेण गब्भवासाओ। अट्ठियबंधे वि मओ, अणट्ठिबंधे वि गलिओ हं . // 137 // खरखारमूलदड्डो पंसुलि-समणी-कुमारि-रंडाणं / .. गलिओ लोहियवाहा बहुसो हं'नवरं संसारे . // 138 // कत्थइ भएण गलिओ, कत्थइ आयास-खेयवियणत्तो / कत्थइ जणणीए अहं फालियपोट्टाए गयजीवो // 139 // कत्थइ दरनीहरिओ जणणीजोणीए हं मुओ बहुसो। कत्थइ नीहरिओ च्चिय गुरुवियणाभिभलो गलिओ // 140 // कत्थइ.जणणीए अहं ठड्यमुहो थणमुहेण वहिओ हं। कत्थई पक्खित्तो च्चिय सवसयणे जीवमाणो वि // 141 // जायावहारिणीए कत्थई हरिओ मि छ?दियहम्मि / कत्थइ बलि च्चिय कओ जोगिणिसमयम्मि जणणीए // 142 // कत्थइ पूयणगहिओ, कत्थइ सउणीगहेण गहिओ हं। . कत्थइ बिरालिगहिओ हओ मि वालग्गहगहेणं // 143 // . 105
