________________ मित्तो होइ अमित्तो, होति अमित्ता खणेण ते मित्ता / मित्ता-ऽमित्तविवेओ काऊण ण जुज्जए एण्हेिं // 74 // सयणा खमंतु मज्झं, खमंतु तह परियणा वि, खामेमि / सयणो परो व्व संपइ दोण्णि वि सरिसा महं होंतु // 75 // देवत्तणम्मि देवा, तिरिया तिरियत्तणम्मि जे केई.। दुक्खेण मए ठविया खमंतु ते मज्झ सव्वे वि . // 76 // नरयम्मि य नेरझ्या, मणुया मणुयत्तणे वि जे केइ / दुक्खेण मए ठविया खमंतु ते मज्झ सव्वे वि // 77 // छण्ह वि जीवणिकायाण जं मए किंचि मंगुलं रइयं / ते मे खमंतु सव्वे एस खमावेमि सव्वे वि // 78 // से जाणमजाणं वा राग-दोसेहि अहव मोहेणं / जं दुक्खविया जीवा खमंतु ते मज्झ सव्वे वि // 79 // खामेमि सव्वजीवे, सव्वे जीवा खमंतु मे। मेत्ती मे सव्वभूएसु वेरं मज्झ ण केणइ // 8 // एवं च कयसावज्जजोगवोसिरणो पुव्वदुक्कयदूमियजंतुखामणापरो वड्डमाणसुहज्झवसायकंडओ अउव्वकरणपडिवण्णखवगसेढिपरिणामो। उप्पण्णकेवलनाण-दसणधरो जाओ अंतगडो कामगइंदमुणिवरो त्ति // 8 // एवं च वच्चमाणेसु दियहेसु वइरगुत्तसाहू वि णाऊण अत्तणो आउयकम्मक्खयं दिनालोयणो उद्धरियसव्वसल्लो कयकायव्वो णिसनो संथारए // 82 // एस करेमि पणामं जिणवरतित्थस्स बारसंगस्स। . तित्थयराणं च णमो, णमो णमो सव्वसाहूणं // 83 // काऊण णमोक्कारं धम्मायरियस्स धम्मजणयस्स / भावेण पडिक्कमणं एसो काहामि सव्वं पि // 84 // 10
