________________ जो कोइ कओ माणो कम्मि वि जीवम्मि मूढभावेणं / सो खमउ ममं सव्व, वोसिरिओ सो मए माणो // 62 // जा काइ कया माया कम्मि वि जीवम्मि मूढहियएण / सो खमउ ममं सव्वं, वोसिरिया सा मए माया . // 63 // जो कोइ कओ लोहो परस्स दव्वम्मि मूढहियएण / सो खमउ महं सव्वं, वोसिरिओ सो मए लोहो // 64 // जो कोइ मए वहिओ कम्मि वि कालम्मि रागरत्तेणं / सो मज्झ खमउ एण्हिं, मिच्छा मिह दुक्कडं तस्स // 65 // जो मे दुक्खावियओ ठाणा ठाणं व संकमं णीओ / सो खमउ मज्झ एण्हिं, मिच्छा मिह दुक्कडं तस्स // 66 // पेसुण्णं जस्स कयं अलिए सच्चे व भाणिए दोसे / रागेण व दोसेण व एण्हिं सो खमउ मह सव्वं // 67 // निट्ठर-खरफरुसं वा दुव्वयणं जस्स किंचि मे भणियं / विद्धं व मम्मवेहं सो सव्वं खमउ मम एण्हिं दाऊण ण दिण्णं चिय आसाभंगो व्व जस्स मे रइओ / दिज्जंतं व निरुद्धं सो एण्हेिं खमउ मह सव्वं // 69 // जो दीणो परिभूओ गहगहिओ रोरवाहिपरिभूओ। हसिओ विडंबणाहिं एण्हेिं सो खमउ मह सव्वं // 70 // अण्णेसुं पि भवेसुं जो जं भणिओ अणिट्ठकंडुयं वा / सो खमउ मज्झ एण्हिं, एसो मे खामणाकालो // 71 // मित्तं पि खमउ मझं, खमउ अमित्तो वि, खमउ मज्झत्थो / मित्ता-ऽमित्तविमुक्को मज्झत्थो एस मे जीवो // 72 // खामेमि अहं मित्ते, एस अमित्ते वि हं खमावेमि। खामेमि दो वि वग्गे, मज्झत्था होंतु मे सव्वे // 73 // - 189 // 68 //
