________________ // 50 // // 51 // // 52 // // 53 // // 54 // चित्ता-ऽचित्तो मीसो परिग्गहो कह वि भावसंजुत्तो / तिविहम्मि वि तं काले वोसिर तिविहं पि तिविहेण राईए जं भुत्तं असणं पाणं व खाइमं अण्णं / तिविहम्मि वि तं काले वोसिर तिविहं पि तिविहेण जो मह धणे ममत्तो महिलासु य सुंदरासु तरुणीसु / रयणेसु रूवएसु व तिविहं,तिविहेणं वोसिरिओ वत्थेसु जो ममत्तो पत्तेसु य डंडगोवगरणेसु / सीसेसु जो ममत्तो सव्वो तिविहेण वोसिरिओ पुत्तेसु जो ममत्तो धूयासु य सुंदरेसु भिच्चेसु / अहवा सहोयरेसु य सव्वो तिविहेण वोसिरिओ भइणीसु जो ममत्तो माया-वित्तेसु अहव मित्तेसु / सो सव्वो वि दुरंतो तिविहं तिविहेण वोसिरिओ। सामिम्मि जो ममत्तो सयणे सुयणे व्व परिजणे वा वि / भवणे व्व जो ममत्तो सव्वो तिविहेण वोसिरिओ .. बंधुम्मि जो ममत्तो सेज्जा-संथार-फलहए वा वि / उवगरणम्मि ममत्तो सव्वो तिविहेण वोसिरिओ देहम्मि जो ममत्तो मा मे सीयाइ होज्ज देहस्स / सो सव्वो वि दुरंतो तिविहं तिविहेण वोसिरिओ णिययसहावममत्तो 'अम्ह सहावो' त्ति सुंदरो एसो / सो सव्वो वि दुरंतो वोसिरिओ मज्झ तिविहेण देसेसु जो ममत्तो 'अहं गामो य अम्ह नगरं' ति / सद्देसु जो ममत्तो तिविहेणं वोसिरे सव्वं जो कोइ कओ कोवो कम्मि वि जीवम्मि मूढभावेणं / वोसिरिओ सो सव्वो एण्हेिं, सो खमउ मह सव्वं / // 56 // // 57 // // 58 // // 59 // // 60 // // 61 // 188
