________________ अयगोलओ व्व काओ जोगफुलिंगेहि डहइ सव्वजिए। कुंडेण सो ण गुत्तो संजममइएण तं निंदे / // 39 // इय एत्थ अईयारो पंचसु समिईसु तिसु य गुत्तीसु / जो कोइ महं जाओ तं निंदे तं च गरिहामि // 40 // बारसविहम्मि वि तवे सर्धितरबाहिरे जिणक्खाए / संते विरियम्मि मए निगूहियं जं तयं निंदे // 41 // एवं च चउक्खंधं आराहणं आराहिऊण मणिरहकुमारसाहू अउष्वकरणेण खवगसेढीए अणंतरणाण-दंसणं उप्पाडिऊण तक्काले कालस्स खययाए अंतगडकेवली. जाओ त्ति // 42 // एवं च वच्चमाणेसु दियहेसु कामगइंदसाहू वि नियआठक्खयं / जाणिऊण कयसंलेहणाकप्पो णिसण्णो संथारए . // 43 // णमिऊण तिलोयगुरुं उसभं तेल्लोकमंगलं पढमं / अवसेसे य जिणवरे करेमि सामाइयं एण्डिं . एस करेमि य भंते ! सामाइय तिविहजोगकरणेण / राग-दोसविमुक्को दोण्ह वि मज्झम्मि वट्टामि // 45 // जं सुहुमं बायरं वा पाणवहं लोह-मोहजुत्तेणं / तिविहेण कयं तिविहं तिविहेण वि वोसिरे सव्वं // 46 // जं कह वि मुसं भणियं हास-भय-कोध-लोभ-मोहेहिं / तं तिविहकालजुत्तं तिविहेणं वोसिरे तिविहं // 47 // थोवं बहुं व कत्थइ दव्वं पारक्कयं तु जं गहियं / / तं तिविहम्मि वि काले वोसिर तिविहं पि तिविहेणं // 48 // जं णर-तिरिक्ख-दिव्वे मेहुणसंजोगभावियं चित्तं / तं तिविहम्मि वि काले वोसिर तिविहं पि तिविहेण // 49 // 187 // 44 //
