________________ अह सावगो वि कोई धन्नो आराहणं च कुणमाणो / सुकडाणुमोयणेणं अप्पाणं भावए एवं // 90 // धन्नो हं जेण मए मिच्छतं तिविहओ वि परिचत्तं / संपत्तं सम्मत्तं अचिंतचिंतामणिसमाणं // 91 // लद्धो सिरिजिणधम्मो रम्मो तिजए वि दलियदुक्कम्मो / वारियपावपवेसो सुणिओ सुगुरूण उवएसो . // 92 // विनाओ निस्सेसो जीवाऽजीवाइतत्तयविसेसो / विहिया य तित्थजत्ता गुरुजत्ता तह य रहजत्ता // 93 // कारावियाई चेइयहराई पवराई सिरिजिणंदाणं / मणहरपडिमा तेसु य पइट्ठिया तिजयपुज्जाओ // 94 // विहिया य संघपूया असंयं पडिलाभिया महामुणिणो / साहम्मियवच्छल्लं बहुसो वि कयं तह महल्लं // 95 // सुपसत्थपुत्थयाई तहा अणेगाओ पुत्थियाओ य / . मए लेहाविय विहिया सुयणाणपवा बुहजणाणं . नवबिंबाण पवेसो सपुत्थयाणं कराविओ बहुसो / तिकालमच्चणाई सिरिजिणबिंबाण विहियाई // 97 // पडिबोहो भव्वाणं, सुसाहु-सुगुरूण पज्जुवासणया / फुल्लंकाण पयाणं पव्वज्जाभिमुहसड्ढाणं // 98 // निययअवच्चाईणं पव्वज्जाए विसज्जणं तह य / पव्वज्जउच्छवाणं करावणं वरविभूईए // 99 // रइओ जिण्णुद्धारो, पोसहसालाण तह य कारवणं / साहम्मियसम्माणं, विहिया उचियाइदाणविही // 100 // भद्दाईण तवाणं करणं सिद्धंतसत्थवुत्ताणं / उज्जावणं च तेसिं तह जिणवरलक्खपूयाओ // 101 // 10
