________________ तं न, जमुत्तं सुत्ते फलगप्पणमेव तेण हियमो(? मे)यं / अंतोमुहुत्तसेसम्मि आउए नत्थि भयणा वि। // 936 // उल्लं संतं वत्थं विरिल्लियं जह लहुं विनिव्वाइ। संविल्लियं तु न तहा, तहेव कम्मं मुणेयव्वं // 937 // ठिइबंधस्स सिणेहो हेऊ, खीयइ य सो सुमुह(? हुम)यस्स / परिसडइ खीणनेहं, सेसं अप्पट्टिई होइ // 938 // पज्जलइ खलइ वेवइ तप्पइ तावेइ जा सिणेहो से। निव्वाइ झत्ति सो च्चिय उज्झियनेहो पईवो व्व // 939 // चउहि समएहिं दंडय-कवाड-मंथ-जयपूरणाणि तओ। कुणइ, कमेण नियत्तइ तहेव सो चउहि समयेहि // 940 // काऊणाऽऽउसमं सो वेयणियं तह य नाम-गोयाणि / सेलेसिमुवागंतुं जोगनिरोहं तओ कुणइ . // 941 // बायरवइप्पओगं बायरकाएण बायरमणं च। . बायरकायं पि तहा रुंभइ सुहुमेण काएण . // 942 // तेणेव सुहममण-वइजोगं रुभित्तु सुहुमकाएण / काइयजोगे सुहुमम्मि सुहुमकिरियं जिणो झाई // 943 // सुहमकिरिएण झाणेण निरुद्ध सुहुमकायजोगे वि / सेलेसी होइ तओ अबंधओ निच्चलपएसो ... // 944 // देहतिगकम्मसेसं हंतुं पंचक्खरुग्गिरणकालं / उच्छिण्णकिरियमप्पडिवाई झाणं झियाइ तओ // 945 // सो तेण पंचमत्ताकालेण खवेइ चरिमझाणेण / अणुइण्णाओ दुचरिमसमए सव्वाओ पयडीओ // 946 // चरमसमयम्मि तो सो खवेइ वेइज्जमाणपयडीओ। बारस तित्थयरजिणों, इक्कारस सेससव्वण्णू // 947 // 157
