________________ जइ हुज्ज मच्छियापत्तसरिसियाए तयाइ नो नद्धं / को नाम कुणिमभरियं सरीरमालद्धमिच्छिज्ज ? . // 612 // कण्णेसु कण्णगूहो जायइ, अच्छीसु अच्छिदूसीओ। नासागूहो नासाउडेसु, वयणे य दंतमलो // 613 // विट्ठापुण्णो भिण्णो घडो व्व असुई समंतओ गलइ / पूइंगालो व्व वणो मुंचइ, दुग्गंधगंधवहं . / / 614 // ण्हाणुव्वट्टण-मुहवास-दंतवणसोहणेहिं दव्वेहिं / निच्चं पि धुव्वमाणो देहो ओमुयइ दुग्गंधं // 615 // अभिभूय दुरभिगंधं परिभुज्जइ मोहिएहिं परदेहो / खज्जइ पूईमंसं जह कडुहंडेण संजुत्तं जइ ता दुगुंछइ नरो आल« पडियमप्पणो खेलं / कह नाम पिबेज्ज पुणो महिलामुहजायमसुइजलं? // 617 // वाइय-पित्तिय-सिभियरोगा तण्हा-छुहासमाईया (?) / निच्चं तवंति देहं अद्दहियजलं व जलियग्गी // 618 // कोडीओ पंच भवे लक्खाइं अट्ठसट्ठि पंच सया। नवनउई य सहस्सा चुलसीया वाहिसंखा से // 619 // पीणत्थणनमियंगी जा पुव्वं नयणमणहरा आसि / स च्चिय जरघुणजज्जर बीभच्छा होइ दुप्पिच्छा . // 620 // जा सव्वसुंदरंगी सविलासा पढमजुव्वणकंता / स च्चेव जराजुण्णा अमणुण्णा होइ लोयस्स // 621 // जह वज्झो निज्जंतो पियइ सुरं खाइ असण-तंबोलं। . तह मच्चुवग्घघत्था विसए सेविति मूढनरा // 622 // असुइ वणपूइगंधं सेवंता महिलियाइ कुणिमकुंडि / सोआहिमाणिणो जे ते लोए हुति हसणिज्जा // 623 // 130
