________________ तत्तो तस्स अवाए दंसेइ य तस्स सुहुमसल्लस्स / तो सो अणत्थभीओ संविग्गो चयइ रसगेहिं . // 420 // अणुसज्जमाणए पुण समाहिकामस्स सव्वमवहरिय। इक्किकं भावितो ठवेइ पोराणयाहारे // 421 // अणुपुव्वेण ठवेइ य संवट्टेऊण सव्वमाहारं / / पाणयपरिकम्मेण य पच्छ्रा भावेई अप्पाणं // 422 // अच्छं बहलं लेवड मलेवडं तह ससित्थ मस्सित्थं / छव्विह पाणयमेयं भणियं परिकम्मपाउग्गं // 423 // आयंबिलेण सिंभो खिज्जइ, पित्तं च उवसमं जाइ / .. वायस्स रक्खणट्ठा तत्थ पयत्तं इमं कुज्जा // 424 // तो पाणएण परिभावियस्स उयरमलसोहणट्ठाए। महुरं पज्जेयव्वो मंदं च विरेयणं खवेओ // 425 // एल-तय-नागकेसर-तमालपत्तं ससक्करं दुद्धं / पाऊण कढिय-सीयल समाहिपाणं इमं पच्छा // 426 // महुरविरेयणमेसो कायव्वो पोप्फलादिदव्वेहिं / निव्वाविओयरग्गी समाहिमेसो सुहं लहइ // 427 // जावज्जीवं तिविहं आहारं वोसिरिहि इमं खवओ / निज्जवओ आयरिओ संघस्स निवेयणं कुणइ // 428 // खामेयव्वो खमओ रयहरणं तस्स चेव खवयस्स / दावेयव्वं नेऊण सव्वसंघस्स वसहीसु // 429 // आराहणपच्चइयं खवयस्स य निरुवसग्गपच्चइयं / . काउस्सग्गो संघेण होइ सव्वेण कायव्वो // 430 // पच्चक्खाविति तओ तं ते खवयं चउव्विहाहारं। . संघसमवायमझे चिइवंदणपुव्वयं विहिणा // 431 // 114
