________________ भिदंतेण रहस्सं सो साहू तेण होइ परिचत्तो / अप्पा गणो पवयणं धम्मो आराहणा चेव // 300 // लज्जाइ गारवेण य कोई दोसे परस्स कहियम्मि / विप्परिणमिज्ज ओहाविज्ज व गच्छिज्ज मिच्छत्तं // 301 // कोई रहस्सभेए कए पउट्ठो हणिज्ज तं सूरिं। अप्पाणं वा गच्छं भिदिज्ज करिज उड्डाहं / // 302 // इच्चेवमादिदोसा न हुंति गणिणो रहस्सधारिस्स / तम्हा आलोएज्जा अपरिस्साविस्स पामूले // 303 // इय अट्ठगुणोवेओ कसिणं आराहणं पसाहेइ / खमगो वि तं भगवई अवगूहइ जायसंवेगो // 304 // एवं परिमग्गित्ता निज्जवयगुणेहिं जुत्तमायरियं / उवसंपज्जइ विज्जा-चरणसमग्गं तओ साहू // .305 // कोकम्मं काऊणं पणुवीसाऽऽवासएहिं परिसुद्धं / विणएण पंजलिउडो वायगवंसहं इमं भणइ || 306 // सामण्णमुज्जमेउं इच्छामि मुणिंद ! तुम्ह पामूले / आलोयणं च दाउं निस्सल्लो सुयणु ! विहरिस्सं // 307 // एवं कए निसग्गे उवसंपण्णं ति वायगो भणइ / धण्णो सि तुमं सुविहिय ! गिण्हसु आराहणपडायं // 308 // ता तस्स उत्तमढे करणुच्छाहं परिक्खइ विहिण्णू / खीरोयणदव्वग्गहदुगुंछणाए जहसमाहिं . // 309 // आराहणाइ खेमं तस्सेव य अप्पणो य गणिवसभो। . दिव्वेण निमित्तेणं पडिलेहइ इहरहा दोसो // 310 // पडियरए आपुच्छिय तेहिं निसटुं पडिच्छए खवयं / . तेसिमणापुच्छाए असमाही हुज्ज तिण्हं पि . // 311 // 104
