________________ निव्वावएण य तओ चित्तं खवयस्स निव्ववेयव्वं / अक्खोभेण खमाए जुत्तेण पणट्ठमाणेण . // 288 // निद्धं महुरं हिययंगमं च आहरण-हेउजुत्तं च / कहइ कहं निव्ववओ समाहिहेउं महामतिमं // 289 // खुहियं परीसहुम्मीहिं साहुपोयं भवोहवुब्भंतं / संजमरयणं निज्जामओ व्व निव्वावओ धरइ // 290 // आराहणं चइज्जा स तस्स कण्णाहुइं जइ न दिज्जा। ता निव्ववगो खमगस्स होइ निज्जामओ सूरी // 291 // लज्जाइ गारवेण य जइ सम्मं को वि किंचि नाऽऽलोए / दंसेइ से अवाए अवायदंसि त्ति सो होइ // 292 // दुक्खेण लहइ जीवो संसारमहण्णवम्मि सामण्णं / तव संजमं च अबुहो नासेइ ससल्लमरणेण // 293 // मरिठं ससल्लमरणं संसाराडविमहाकडिल्लम्मि। . सुइरं भमंति जीवा अणोरपारम्मि ओयरिउं . // 294 // न वि तं सत्थं व विसं व दुप्पउत्तो व कुणइ वेयालो / जंतं व दुप्पउत्तं सप्पो व पमाइओ कुद्धो // 295 // जं कुणइ भावसल्लं अणुद्धियं मरणदेसकालम्मि / दुल्लहबोहीयत्तं अणंतसंसारियत्तं च // 296 // ता न खमं खुपमाया मुहुत्तमवि अच्छि; संसल्लेणं / लज्जा-गारवरहिओ गुरुमूले सल्लमुद्धरसु // 297 // उप्पाडित्ता धीरा मूलमसेसं पुणब्भवलयाए / उम्मुक्कभया सल्लं तरंति भवसायरमणंतं // 298 // लोहेण पीयमुदयं व जस्स आलोइय य अइयारा / न परिस्सवंति कत्थइ अपरिस्सावि तयं बिति // 299 // 103
