________________ तम्हा निम्विसियव्वं ववहारविउस्स पायमूलम्मि / तत्थ हु विज्जा चरणं समाहि बोही य नियमेण // 276 // ओयंसी तेयंसी वच्चंसी पहियकित्ति मायरिओ।... सीहोवमो भणिओ जिणेहिं उप्पीलओ नाम // 277 // निद्धं महुरं हिययंगमं च पल्हायणिज्जमणवज्ज। को इत्थ पण्णविज्जंतओ वि नाऽऽलोयए सम्मं? // 278 // तो उप्पीलेयव्वो गुरुणा उप्पीलएण दोसे सो। जह उयरत्थं मंसं वमयइ सीही सियालीए // 279 // तह आयरिओ वि अणुज्जयस्स खमगस्स दोसनीहरणं / कुणइ कडुओसहं पिव पच्छा पत्थं हवइ तस्स // 280 // जीहाए विलिहंतो न भद्दओ जत्थ सारणा नत्थि। . पाएण वि ताडितो स भद्दओ सारणा जत्थ // 281 // सुलहा लोए आयट्ठचिंतया परहियम्मि मुक्कधरा (?) / आयटुं च पटुं च चिंतयंता जए दुलहा .. // 282 // तम्हा गणिणा उव्वीलएण खवगस्स दोससव्वस्सं / उग्गालेयव्वं खलु तस्स हियं चिंतयंतेण // 283 // जो संथारोवहिपविगिचणत्तणाइकज्जेसु (?) / अब्भुज्जयचरियाए उवयारं तस्स कुव्वंतो // 284 // अप्पपरिस्सममगणिय वट्टइ खमगस्स तस्स पडियरणे / सत्तीए आयरिओ पकुव्वओ नाम सो होइ // 285 // खमओ किलामियंगो पडियरणगुणेण निव्वुई लहइ / . तम्हा निव्विसियव्वं खवएण पकुव्विणो पासे . // 286 // पडियरयपमाएण व छुहाकिलंतो व वेयणऽत्तो वा / कुप्पेज्ज व सो खमओ मेरं वा भेत्तुमिच्छिज्जा // 287 // 102
