________________ एए दोसा गणिणो विसेसिया हुंति सगणवासिस्स / भिक्खुस्स वि अप्पसमा सरेज्ज तम्हा परगणं सो // 240 // उज्झिय सगणं अम्हे सरिऊणमिहाऽऽगओ परगणम्मि / सव्वायरसत्तीए भत्तीए वट्टइ गणो से // 241 // गीयत्थो चरणत्यो पुच्छेऊणाऽऽगयस्स खमगस्स / सव्वायरेण सूरी वि तस्स निज्जावओ हुज्जा // 242 // जोयणसयाणि छ स्सत्त वा वि वरिसं व जाव बारसयं / निज्जवगमणुण्णायं समाहिकामो गवेसिज्जा // 243 // आलोयणापरिणओ सम्मं संपट्ठिओ गुरुसयासं / जइ अंतरा वि असुहो हविज्ज आग़हओ हुज्जा // 244 // आलोयणापरिणओ सम्मं संपट्ठिओ गुरुसयासं / जइ अंतरा स कालं करिज्ज आराहओ हुज्जा // 245 // एवं आलोयणपरिणयस्स संपट्ठियस्स व गुरू से / असुहो व हुज्ज कालं करिज्ज आराहओ हुज्जा // 246 // सल्लं उद्धरिउमणो संवेगुव्वेयतिव्वसङ्घाओ। . संजाइ सुद्धिहेउं सो तेणाऽऽराहओ होइ // 247 // आयारजीयकप्पगुणदीवणा अत्तसोहि निझंझा / अज्जव मद्दव लाघव तुट्ठी- पल्हायणं च गुणा // 248 // अप्पुत्वं आएसं सहसऽब्भुट्ठिज्ज दट्ठमिज्जंतं / अण्णोण्णचरण-करणं कयउवयारा परिच्छिज्जा // 249 // आवेस्सयठाणाइसु पडिलेहण-वयण-गहण-निक्खेवे / भिक्खग्गह सज्झाए वियारगमणे परिच्छिज्जा // 250 // उग्गम-उप्पायण-एसणासु सोही न विज़्जए तस्स / अणगारमणालोइयदोसं सं जमाणस्स / / 251 // .. . CG ce
