________________ गुरुछंदाणंदरुई, गुरुदिट्ठीवायनियमियपयारा.। गुरुदिण्णविणयवेसा, कुलवहुसरिसा अओ सीसा // 228 // अह ते धरणीवीढलुढंतसीसवीसंतगुरुपयंबुरुहा। 'इच्छामो अणुसट्टि' पहिटुवयणा भणंति गणि // 229 // भयवं ! अणुग्गहो णे, जं नियदेहं व पालिया तुमए / सारण-वारण-पडिचोयणाओ धण्णा हु पार्विति . // 230 // एवं आपुच्छित्ता सगणं अब्भुज्जयं पविहरतो / आराहणानिमित्तं परगणगमणे मई कुणइ . // 231 // सगणे आणाकोवो फरुसवई कलहकरण-परियावा। ... निब्भय सिणेह कोलुणिय झाणविग्यो य असमाही // 232 // उड्डाह करा थेरा, कलहकरा खुड्डया, खरा सेहा। आणाकोवं गणिणो करिज्ज तो हुज्ज असमाही // 233 // जं तेसु न वावारो जुज्जइ परगणनिवासिणो गणिणो / ता कह असमाहाणं आणाकोवम्मि वि कयम्मि? // 234 // खुड्डे थेरे सेहे असंवुडे द१ भणइ वा फरुसं / ' पडिचोयणमसहंतेहिं तेहिं सह हुज्ज कलहो वा // 235 // तत्तो गणिणो तेसिं हुज्जा परियावणाइया दोसा। तेसु सगणम्मि गणिणो ममत्तदोसेण असमाही / . // 236 // तण्हाइएसु महणिज्जएसु सगणम्मि निब्भओ संतो। जाएज्ज व सेविज्ज व अकप्पियं किंचि वीसत्थो // 237 // अज्जाओ अणाहाओ वुड्डे य नियंकवड्डिए बाले / पासंतस्स सिणेहो हविज्ज अच्चंतियविओए // 238 // खुड्डा य खुड्डियाओ अज्जाओ वि य करिज्ज कोलुणियं / तो हुज्ज झाणविग्घो असमाही वा गणहरस्स // 239 // 90
