________________ सुस्सूसया गुरूणं, चेइयभत्ता य, विणयजुत्ता य / सज्झाए आउत्ता गुरु-पवयणवच्छला होह // 192 // धण्णा हु ते मणूसा जें ते विसयाउरम्मि लोगम्मि / विहरंति विगयसंगा निराउला नाण-चरणम्मि // 193 // अकलियपणय-विरोहा अव्वामोहा अभिण्णमुहसोहा / अमलियगुणसंदोहा जयम्मि ते निग्गयजसोहा // 194 // अद्दिट्ठपरुक्करिसा अभिण्णहरि(? रह)सा अखंडियामरिसा / अमुणियसगुणुक्करिसा जियंति जे, ते च्चिय जियंति // 195 // भत्ती जिणेसु, मित्ती जिएसु, तत्ती गुरूवएसेसु / पीई सीलगुणड्डेसु जेसिं ते उत्तमा लोए // 196 // परउवयारे वित्तं, चित्तं परलोगकज्जचिंताए। . धम्मुज्जमे य जम्मं जस्स गयं, किं गयं तस्स? // 197 / / तित्थयरो चउनाणी सुरमहिओ सिज्झियव्वयधुवम्मि / अणिमूहियबल-विरिओ सव्वत्थामेसु उज्जमइ. // 198 // किं पुण अवसेसेहिं दुक्खक्खयकारणा सुविहिएहि / होइ न उज्जमियव्वं सपच्चवायम्मि जियलोए ? // 199 / / सत्तीए भत्तीए य वेयावच्चुज्जया सया होह। आण त्ति निज्जर त्ति य साल-वुड्ढाउले गच्छे // 200 // सज्झाय-तवाईणं च जं च तं चिय पहाणायं बिंति / सव्वं किर पडिवाई, वेयावच्चं अपडिवाई.. // 201 // भरहों. बाहुबली वि य दसारकुलनंदणो य वसुदेवो / वेयावच्चाऽऽहरणा, तम्हा पडितप्पह जईणं // 202 // वज्जेह अप्पमत्ता अज्जासंसग्गिमग्गि-विससरिसं / अज्जाणुचरो साहू पावइ वयणिज्जमचिरेण // 203 // 5
