________________ जनो भूपतीनां भवेत् कः सुमान्यो ?, वृषो योगिनां मानसं कोऽधितिष्ठेत् ? / सदा सुस्मितं पङ्कजं को विधत्ते?, सुविद्योऽनवद्यो रविद्युत्कलापः // 93 // सूर्योदये किं भवति प्रफुल्लं?, करोति किं ना नितरां निजेष्टम्। को लम्पटो दन्तिकपोलभित्त्योः ?, पद्मं समालिङ्गति चञ्चरीक: 94 वीरैः किं विग्रहे धार्य ?, दातुः किं श्रीनिबन्धनम् ? / धरायामेति किं मानं ?, शौर्यत्यागार्थभृद् ! वद / // 95 // तिर्यग्जीवेषु का बह्वी ?, स्यादभावे किमव्ययम् ? / ' जनः प्रतार्यते ? केना-त्रोत्तरं चतुरक्षरम् // 96 // जीयाज्जगन्नायकजैनचन्द्रः, सदा निरस्ताखिलशिष्टतन्द्रः / सदिष्टशिष्टीकृतघृष्टनागः, स तीर्थकृन्निष्ठितदृष्टिरागः // 97 // अज्ञाननिर्णाशकृते कृतीशा, जिनेन चित्सत्यगिरा गिरीशा / निजाननाद्येन जनाय दिष्टा, सद्देशना सिद्धिकरी गरिष्ठा // 98 // कृताऽऽनतिर्गीतयशा जगत्यां, सन्नाकि-नागेन्द्र-नरेन्द्रसधैः। सिद्धार्थराज-त्रिशलाऽङ्गजातः, श्रेयांसि देयात्स जिनेशिता नः।। 99 // इहारके जाग्रदयैर्जनैर्यः सनाऽऽश्रितः शान्ति-दयानदीशः / निराकृताऽकार्यरतिर्नराणां, सज्ज्ञानदानेन सतां हितेन . // 100 // श्रीमच्चन्द्रकुलोत्तंसा, गुरवो ज्ञानशालिनः / श्रीजिनभक्तिसूरीन्द्र-पट्टभासनभास्कराः // 101 // श्रीमतां मदनारम्भ-जितां सेवा शिवप्रसूः / नता नरैरित्युदार-लावण्याः सन्तु सुश्रियः // 102 // क्षेमशाखोद्भवाः ख्याता, महोपाध्यायसत्पदाः / श्रीमन्तो राजसोमाख्याः, श्रीरामविजयास्तथा // 103 // 18
