________________ // 120 // // 121 // // 122 // // 123 // // 124 // // 125 // प्रत्यर्थिनो हि हन्यन्ते, विना स्थानं महस्विभिः / स्वयमचिषि दीपस्य, पतङ्गा न पतन्ति किम् ? भाविनोऽपि प्रयच्छन्ति, गुणा गौरवमङ्गिनाम् / गुणानां बीजमिति यत्, कर्पासो मूल्यमर्हति अप्युषितः समं मूर्ख,-र्वाग्मी नोज्झति वाग्मिताम् / काकपाकान्तिकस्थोऽपि, कलकण्ठः कलध्वनिः सेवा स्वार्थाय नीचाना,-मुच्चैरौचित्यमञ्चति / वपुःपुष्टी(ष्टि)कृते बाल्ये, द्विकसेवी न किं पिकः? न विमुञ्चति वृद्धोऽपि, पैशुन्यं पिशुनः खलु / अश्नात्येव पुरीषं यत्, प्रवया अपि वायसः नाऽमानमानमाप्नोति, वसञ् श्वशुरवेश्मनि / इन्द्रायादात्सुधामब्धि,-र्जामात्रे वाऽच्युताय न सखे ! वित्तवतां प्रायो, दुर्मोचो नीचसंस्तवः / पद्मं मधुपसंपर्क, श्रीवेश्माऽपि जहौ न यत् विस्तारं व्रजति स्नेहः, स्वल्पोऽपि स्वच्छचेतसि / व्यानशे तैललेशोऽपि, सर: सर्वमपि क्षणात् निर्मलानां सुवृत्तानां, सङ्गः प्रोच्चैःपदप्रदः / मौक्तिकैर्मिलिताः स्त्रीणां, हृदि तिष्ठन्ति तन्तवः तदेव दत्ते दाताऽपि, यद् भाले लिखितं भवेत् / त्रिपत्र्येव पलाशेऽभूद्, वर्षत्यपि पयोधरे हित्वा बलं कुलं शीलं, पक्ष्मलक्ष्मीमुपास्महे / फलं तरुस्थं सत्पक्षः, काकोऽत्ति न च केशरी वित्तं विनोपद्रवाय, स्वमित्रमपि जायते / नीरं विना विनाशाय, न किं सूरः सरोरुहाम् ? // 126 // // 127 // // 128 // // 129 // // 130 // // 131 // . 27
