________________ // 74 // // 75 // // 76 // // 77 // // 78 // // 79 // पत्तो कमेण बेण्णायडम्मि परिचिंतिउं तओ तेण / अच्चंतनिधणोहं भमामि कह णयरमज्झम्मि तो रयणीए ईसरगिहम्मि एगम्मि खणियखत्तो सो। आरक्खिएहिं गहिओ बद्धो नीओ य करणम्मि चोरस्स वहो दंडो त्ति नीइसत्थं सरंतओ अमच्चो / तं बज्झमाणवेइ निज्जइ जा वज्झभूमीए ता चितेइ किमेयं सव्वं पुव्वुत्तमलीयगं होही / तस्सेव पयडपुण्ण-प्पभाववसओ पुरे तत्तो उग्गाढसूलवियणा-विहुरसरीरो अपुत्तओ मरइ / नरनाहो दिव्वाइं अहिवासिझंति ते पंच तंबेरमो तुरंगो छत्तं चामरजुगं च तह कलसो / तो देवयाओ लहुओदीरंति एए सुरज्जस्स मग्गिज्जइ नररयणं जोग्गं रज्जस्स चच्चराईसु। . दिव्वेहि तेहिं नयरीए सव्वओ हिंडमाणेहिं / दिट्ठो य खरारूढो छित्तरछित्तो सरावमालगलो। पिचुमंदपत्तजुत्तो मुंडियसीसो य मसिसरीरो सो मूलदेवतेणो सम्मुहमितो तओ गइंदेण।। वाहरिया गलगज्जा हएण हेसारंवो विहिओ कलसं.घेत्तूण करी अहिसिंचिय नेइ निययखंधम्मि। हलियाओ चामराओ छत्तं उवरि ट्ठिओ झत्ति पूरियसयलनहंगण-मग्गं बाहे पवाइयं तूरं / अइमुहलो जयसद्दो पउंजिओ बंदिवंदेहिं पत्तो रायसहाए मुत्ताए मंडिए चउक्कम्मि / सिंहासणोवरि गओ पणओ सामंतचक्केण 323 // 80 // // 81 // // 82 // // 83 // // 84 // // 85 //
