________________ जो हावभावसिंगारसारवयणेहिं णेगरूवेहि। . वालग्गं पि न चलिओ तस्स नमो थूलभद्दस्स // प्र० 36 // कोसाए लवंतीए पुराणुभूयाइं रहस्सभणियाई। जो मणयं पि न खुभिओ तस्स नमो थूलभद्दस्स . // प्र० 37 / / जो अच्चुब्भडलायन्नपुण्णपुण्णेसु मज्झअंगेसु / दिढेसु वि न हु खुभिओ तस्स नमो थूलभद्दस्स // प्र० 38 // जो महकडक्खविखेवतिक्खसरधोरणीहिं नो विद्धो। मेरुव्व निप्पकंपो स थूलभद्दो मुणी जयउं // प्र० 39 // अक्खलियमट्टकंदप्पमद्दणे लद्धजयपडागस्स। तिक्कालं तिविहेणं नमो नमो थूलभद्दस्स // प्र० 40 // कोसासंसग्गीए अग्गीए जो तया सुवन्नु व्व / उच्छलिय बहुलतेओ स थूलभद्दो चिरं जयउ // प्र० 41 // वंदामि चलणजुयलं मुणिणो सिरिथूलभद्दसामिस्स / जो कसिणभुयंगीए पडिओ वि मुहे न निद्दसिओ . // प्र० 42 // पणमामि अहं निच्चं पयपउमं तस्स थूलभद्दस्स। अद्धच्छिपिच्छियाई कोसाए न जेण गणियाई // प्र० 43 // धन्नो स थूलभद्दो मयरज्झयकुंभिकुंभनिम्महणो। निम्महियमोहमल्लो जो गुरुणा वण्णिओ अहियं ॥प्र० 44 // न खमो सहस्सनयणो वि वण्णिउं थूलभद्दज्झाणग्गिं। तिजयदमणो वि मयणो खयं गओ जत्थ मयणं व ॥प्र० 45 / / पणमह भत्तिभरेणं तिक्कालं तिविहकरणजोएणं / सिरिथूलभद्दपाए निहणियकंदप्पभडवाए // प्र० 46 // भयवं पि थूलभद्दो तिक्खं चंकमिओ न उण छिनो / अग्गिसिहाए वुच्छो चाउमासे न वि य दड्डो // 136 // 290
