________________ पउमरहरायगेहे वणमालादेवीउयरसरहंसो / नामेण सिवकुमारो कुमरो अंतेउम्मि ठिओ // प्र० 31 // छटै छद्रेण तवं आयंबिलपारणेण जो कासी। दढधम्मकयाहारो भावमुणी वरिसबारसगं // प्र० 32 // होऊण विज्जुमाली देवो बंभे चइत्तु रायगिहे। इब्भउसहस्स धारिणिपुत्तो पडिबोहियकलत्तो // प्र० 33 // जो नवजुव्वणपसरो वियलियकंदप्पदप्पमाहप्पो / सो जंबू परमरिसी अपच्छिमो केवली जयउ // 129 // सिरिजंबुदंसणेणं पडिबुद्धो परिवुडो परिजणेणं / गुणमणिपभवो पभवो चउदसपुव्वी दिसउ भदं // 130 // सिज्जंभवं गणहरं जिणपडिमादसणेण पडिबुद्धं / मणगपियरं दसवैकालियस्स निज्जूहगं वंदे // 131 // चउदसपुव्विस्स नमो जसभहस्सावि जस्स दो सीसा / संभूइविजयनामा थेरे तह भद्दबाहू य . // 132 // दसाकप्पववहारा निज्जूढा जेण नवमपुव्वाओ। वंदामि भद्दबाहुं तमपच्छिमसयलसुयनाणि // 133 // एक्को गुहाए हरिणो बीओ दिट्ठीविसस्स सप्पस्स। तइओ वि कूवफलए कोसघरे थूलभद्दमुणी // 134 // सीहो वा सप्पो वा सरीरपीडाकरा मुणेयव्वा / नाणं व दंसणं वा चरणं व न पच्चला भित्तुं // 135 // न दुक्करं अंबयलुंबितोडणं न दुक्करं नच्चियसिक्खियाए। तं दुक्करं जं (तं) च महाणुभावं जं सो मुणी पमयवणम्मि वुच्छो॥ 34 निच्चं पि तस्स नमिमो कमकमलं विमलसीलकलियस्स। अइदुक्करदुक्करकारयस्स सिरिथूलभद्दस्स ॥प्र० 35 // - 289
