________________ स्तब्धताऽज्ञानता भूयः पारवश्यमशुद्धता / इमे दोषाश्च विद्यन्ते सुरापायिशरीरिणि // 216 // न कुलं गणयत्येष नं शीलं न च गौरवम् / वृथा हासी वृथा भाषी वृथाश्लीलप्ररूपकः // 217 // मदान्धनष्टसत्संज्ञो भक्ष्याभक्ष्यबहिर्मुखः / सर्वथा लघुतां याति सत्कुलस्थोऽपि मद्यतः // 218 // क्षाराब्धिप्राकारसुदुर्धरा या श्रीवासुदेवोत्तमनाथमान्या / सा द्वारिकाऽपि व्यगमद्विनाशं निदानमत्रापि सुराप्रकोपः // 219 // विशन्ति सर्वनातीया मानवा यत्र कामतः / वेश्येयम्बत विज्ञेया मायाकपटपेटिका // 220 // मुखे मिष्टा हृदि क्लिष्टा रतीव प्रेमदर्शनाद् / . हावभावैश्च कालेव केषाञ्चित्तं न रञ्जति // 221 // नदीधारेव सर्वस्वं हरत्येषा शनैः शनैः / हरते विषवल्लीव प्राणानपि धनार्थिनी // 222 // गलत्कुष्ठनरांश्चापि रूपयौवनवर्जितान् / निजीकरोति वेश्येयं गतहीवित्तकामुकी // 223 // नटी वा भूतिनी वैषा पिशाची वाऽथ देविका। उपायैर्विविधैः सर्वान् स्वर्वशीकुरुते शठा // 224 // सर्वथा निन्द्यवंशाऽपि सर्वथा पापशालिनी / तथापि राजभिर्मान्या परवञ्चनपण्डिता // 225 // मद्यमांसाशनप्रीतिर्दूतक्रीडामनोगतिः / सर्वभोग्या कथं सेव्या सद्वंशजातमानवैः ? // 226 // वेश्यासङ्गाच्च नश्यन्ति सद्गुणा देहिनामिमे / यशः शीलं कुलं लज्जा कमला रोहिनी प्रजा // 227 // 229
