________________ // 84 // सर्वत्र चास्ति न्यायोऽयमुत्कृष्टमुपदिश्यते / अन्यत्तु न प्रतिक्रुष्टंमदुष्टं पुण्यपुष्टये // 80 // व्याख्येयमेवमेवेदमन्यथा न व्रताद्यपि / देयं ग्राह्यं च केनापि सम्पूर्णविधिना विना // 81 // अथ कालादिदोषेण न्यूनोऽपि विधिरिष्यते / व्रतादिदाने सक्ता ये दानेऽप्येष समिष्यताम् // 82 // आरम्भवर्जकं वा दायकमुद्दिश्य दर्शितं कल्प्यम् / देयं कृत्वा ददतः प्रतिमापन्नस्य भङ्गभयात् // 83 // योऽपि क्वचिदपि समये कृत्वा ददतो निवेदितो दोषः / सोऽप्येवंविधविषये विदुषा योज्यो न सर्वत्र यदि वाऽधिकृत्य साधु सामान्येनैव निर्निमित्तमिदम् / देयं कल्प्यं जल्पितमनल्पबुद्ध्या च बोद्धव्यम् // 85 // यस्मात् सति निर्वाहे बालग्लानादिहेतुविरहे च। . गृह्णन्त्यकल्पनीयं न साधवो वारितं तेन // 86 // अनिर्वाहे तु गृह्णन्ति ग्लानादेश्च प्रयोजने / देशाद्यपेक्षं कल्प्यादि तथा चोवाच वाचकः // 87 // "किञ्चिच्छुद्धं कल्प्यमकल्प्यं स्यात् स्यादकल्प्यमपि कल्प्यम् पिण्ड: शय्या वस्त्रं पात्रं वा भैषजाद्यं वा / // 88 // देशं कालं पुरुषमवस्थामुपयोगशुद्धिपरिणामान् / प्रसमीक्ष्य भवति कल्प्यं नैकान्तात् कल्पते कल्प्यम् // 89 // ग्रहीष्यन्ति न वा ते तु ज्ञातुमेतन्न शक्यते / दातव्यं सर्वथा तावत् साधुभ्यो धर्मसिद्धये // 90 // उक्तं चेत्सेन्न(!)वा साधुस्तं तथाऽपि निमन्त्रयेत् / अगृहीतेऽपि पुण्यं स्याद् दातुः सत्परिणामतः // 91 // 180
