________________ स्याज्जन्म सफलं तस्य, सफलं चापि जीवितम् / यस्य वक्त्रे वसेन्नित्यं, दानमित्यक्षद्धयम् // 148 // कलत्रपुत्रसौख्यानि, स्वर्गस्य सुखसंपदः / पञ्चप्रकारभोगाश्च, प्राप्यन्ते दानतो नरैः // 149 // वादशक्तिर्मन्त्रशक्तिस्तन्त्रशक्तिस्तथैव च,। .. भवेत्पुंसां परं मह्यां, दानशक्तिस्तु दुर्लभा // 150 // दानादिह महत्कीर्तिः, स्वर्गसौख्यं परत्र च। क्रमान्मुक्तिर्भवेल्लोके, श्रीश्रेयांसकुमारवत् // 151 // भूपाला अपि दुर्गपालसचिवश्रीसार्थवाहादयो, व्याला व्याघ्रगजादयः स्थलचरा भारण्डपक्ष्यादयः भूतप्रेतपिशाचयक्षनिवहा आयान्ति वश्ये निजे, येषां दानमनर्गलं करकजे तिष्ठेदवश्य यदि // 152 // हस्तसिद्धिर्वचःसिद्धिः संपत्तस्य पदे पदे / श्रीसुदर्शनवद्यस्य, शीलमस्ति समुज्ज्वलम् .. // 153 // कदाग्रहग्रहग्रस्ता, नारदाः क्लेशकारिणः, लेभिरे तेऽपवर्गं च, तत्र शीलस्य कारणम् // 154 // अग्निर्जलं द्विषन्मित्रं, तालपुटं सुधानिभम् / सिन्धुः स्थलं गिरिभूमि, र्हेतुः शीलस्य तत्र च // 155 // यन्मन्त्रः सिद्धतां याति तन्त्रं फलति निश्चितम् / यन्त्रं कार्यकरं स्याच्च, तत्र शीलविजृम्भितम् // 156 // . प्रभावती चन्दनबालिका च, राजीमती द्रूपदराजपुत्री / . इत्यादिकानामुपसर्गहर्तृ, शीलं समाख्यायि जिनैः सभासु // 157 // स्वलालयैव कुष्टोप-शमनं दर्शितं यतः। लब्धा सा तपसा लब्धिः, सनत्कुमारचक्रिणा - // 158 // 134
