________________ सम्यक्त्व-समता-सत्य-सत्त्व-सन्तोष-संयमः। समाधिश्चेति साधूनां, सकाराः सप्त सौख्यदाः .. // 401 // भर्तृत्वं भक्तवात्सल्यं, भद्रकत्वं भटक्रिया / भरक्षमत्वं भाण्डं च, भकारा भाग्यभाजि षट् . // 402 // दम-दान-दया-देवपूजा-दाक्षिण्य-दीप्तयः / दार्यदाक्ष्यदेहदिष्टा, दकारा दुर्लभा दश // 403 // दर्प-दर्पक-दारिद्र्य-दास्य-दुर्मति-दीनताः / दस्युर्दम्भो दरोऽदैवं, दकारा सुलभा दश / // 404 // विद्या-विनय-विज्ञान-विमात्सर्य-विधिज्ञताः। .. विचार-विरती सप्त, विकारा वतिनां हिताः // 405 // विनोद-विकथा-वित्त-विधिच्युति-विरोधिताः / विगानं विषयाः सप्त, विकारा मुनिवैरिणः // 406 // बहुतुल्येऽधिकारेऽपि, कश्चिदेकः प्रसिद्धिभाक् / समाप्तसप्तधान्येषु, यवादिषु यवो यथा // 407 // लोकोऽवलोकते प्रायः, प्रसिद्धि न गुणागुणौ / निर्गुणोऽपि शमी पूज्यो, नाम्रस्तु सुगुणोऽपि यत् // 408 // यतः-आमूलकुटिल:सुस्थदलः कण्टकसङ्कुलः / कुभूपाल इवासारः, बब्बुलो विफलः किल // 409 // कन्दे हृद्यतमो वर्णे, पूर्णः कल्याणवान् दले। फलेऽखिलरसो भाति, सहकारः सुभूपवत् // 410 // व्याजान्मनोवचोऽङ्गेभ्यो, लात्वा पापधनं भुवि / तेभ्यो दत्ते स्वयं वृद्धान्, शोकानादेयतागदान् // 411 // रोगोरगैरयं कायः, सापायश्चन्दनद्रुवत्। .. परं सुकृतसौरभ्यलाभान् मान्यो मनस्विनाम् . // 412 // 82
