________________ पात्रं प्रतिगृह्णामीत्येवं मुनिकुञ्जरं समापृच्छ्य / उच्चार्य नमस्कारं प्रकाशदेशस्थितोऽश्नाति // 269 // संयोजनाप्रमाणाङ्गारा धूमश्च हेतवः षट् षट् / इति पञ्चविधा ग्रासैषणा मता भोजने तत्र // 270 // संयोजनोपकरणेऽन्नपानयोश्च क्रमेण बहिरन्तः / द्वात्रिंशत्कवलाधिक-भुक्तावधिकं प्रमाणं स्यात् // 271 // कवलानां मानमिदं यो द्वात्रिंशत्तमो भवेद् भागः / निजकाहारस्य तथा यो वाऽविकृते मुखे विशति // 272 // रागेण सरसमास्वादयतश्चारित्रमत्र सागारम् / भुञ्जानस्यानिष्टं द्वेषेण सधूमकं भवति // 273 // संयमवृद्ध्यै वैयावृत्यार्थं वेदनाधिसहनाय / ईर्याशुद्धयर्थं प्रा-णवृत्तये धर्मचिन्तायै // 274 // इति हेतुषट्कतोद्या भिक्षा पि भुञ्जीत हेतुभिः षड्भिः / रोगोपशमनिमित्तं राजाद्युपसर्गसहनार्थम् // 275 // तुर्यव्रतरक्षायै वर्षादिषु जन्तुपालनकृते च / तपसे संन्यासादौ तनुव्यवच्छेदनार्थश्च // 276 // प्रथमप्रहरानीतं यतीनामशनादि कल्पते भोक्तुम् / आयामत्रयमुपरि तु कालातिक्रान्तता तस्य // 277 // तापक्षेत्राऽभावे यदात्तमशनाद्यनुक्षते तरणौ / तद्धि क्षेत्राऽतीतं न युज्यते जेमितुं यतीनाम् // 278 // क्रोशद्वितयादर्वा-गानेतुं कल्प्यतेऽशनप्रभृति / तत्परतोऽप्यानीतं मार्गातीतमिति परिहार्यम् // 279 // द्वात्रिंशच्चाष्टाविंशतिश्च कवला. प्रमाणमाहारः / तदतिक्रमे प्रमाणा-तीतं साधोर्यतिन्याश्च // 280 // 149
