________________ तद् द्वेधैकं सूक्ष्मं ययुक्तं कर्म गन्धधूमाद्यैः / तददुष्टं स्थूलं स्याद्विधोपकरणेऽशनादौ च // 149 // तत्राधाकर्मित्वात् पात्राद्युपकरणसंस्थितं प्रथमम् / तत्कल्प्यं यदि तेभ्यः पृथक्कृतं गृहिणा // 150 // पात्रान्तरे विनिहितं कर्माशनपानलेशलिप्ते यत् / तत्पूत्यशुद्धमथ पिठरकादि कल्पत्रये शुद्धम् // 151 // स्वार्थाय यावदर्थिक-पाखण्डिक-यतिकृते च मिश्रतया। यत्प्रथममुपस्क्रियते त्रिविधं तन्मिश्रजातं स्यात् // 152 // स्थापना त्रिविधाऽऽधारकालद्रव्यविभेदतः / द्वौ द्वौ भेदौ मतौ तस्यास्त्रिविधाया अपि क्रमात् // 153 // साध्वर्थं स्वस्थाने चुल्लीस्थाल्यादिके परे स्थाने.। सुस्थितकपटलकादौ यद्देयं स्थाप्यते वस्तु // 154 // साऽऽधारतोऽथ कालाद् यावद्रव्यस्थिति चिराद् ज्ञेयाम् / अपरा त्वित्वरकालं गृहत्रितयमन्तराकल्प्या // 155 // द्रव्यतया तु द्विविधा क्षीरादि परस्परा भवेदेका / अपरा त्वनन्तरस्था-पना यदाज्यादिकं ध्रियते // 156 // स्वल्पारम्भा सूक्ष्मा प्राभृतिका बादरा महारम्भा। प्रत्येकञ्चोपष्कणा-वष्कणतया द्वेधा / / // 157 // अत्र मुनिदानसमये परतोऽगिर्भकादि भोजयति / कुरुते परतोऽर्वाग्वा लग्नं गुर्वागमनसमये // 158 // प्राहुः करणं द्विविधं प्रकाशनं प्रकटनं यदशनादेः / साध्वर्थं छिद्रगवाक्षदीपमण्यादिभिः प्रथमम् // 159 // प्रकटीकरणं त्वपरं चुल्ल्यादेयस्य वा बहिष्करणम् / सतमसि गृहे यतीनां चक्षुर्विषयो भवति येन // 160 // 13
