________________ मण्डल्यः सप्तैताः सूत्रेष्वर्थे च भोजने काले / आवश्यकं विदधतां स्वाध्याये संस्तरेऽभिहिताः // 53 // साधुभ्य उपाध्यायो दते सूत्रस्य वाचनां निपुणः / सिंहगिरेः शिष्येभ्यो वज्रस्वामीव गणनाथ: // 54 // कुर्वन्ति स्वाध्यायं गीतार्था यदुपयोगवेलायाम् / स हि दर्शितोऽधुना तै-राचारः सूत्रपौरुष्याः // 55 // उपयोगः किल भक्ता-दिलब्ध्यनुज्ञा ततश्च भङ्गोऽस्य / पतितरजोहरणादा-वन्यज्जल्पति च किमपि मुनौ // 56 // गुरवे निवेदिते बहु परिपूर्णा पौरुषीति लघुमुनिना / पादोनप्रहरे सति पर्यन्तं सूत्रपौरुष्याः / // 57 // सूत्रेऽनधीतीनां सू-त्रगोचरः पौरुषी द्वितीयाऽपि / अपवादेऽर्थस्यैव प्रथमाऽपि गृहीतसूत्राणाम् // 58 // अथ पादप्रोञ्छनिकाऽऽसीना दत्त्वा क्षमाश्रमणमेकम् / सर्वेऽपि साधवो मुख-वसनमनुगुरुं प्रतिलिखेयुः // 59 // प्रतिलेखनाक्षणोऽयं साध्यो यत्नेन लग्नसमय इव / अस्मिन् काले स्फिटिते प्रायश्चित्तं हि कल्याणम् // 60 // आगन्तुक-संमूर्च्छज-जन्तुंपरिज्ञानहेतवे प्रथमम् / दृक्कर्णनासिकेनो-पयोगमनुपात्रकं कुर्यात् // 61 // तिष्ठति किमिह भुजङ्गो यत्प्रेक्ष्यत एवमिति विवदमानः / अत्र किल कोऽपि शैक्षो देवतया शिक्षयांश्चके // 62 // पूर्वभवविहित-सम्यग्-भावप्रतिलेखनामनुस्मृत्य / वल्कलचीरिकुमारो जडोऽपि जातिस्मृति लेभे आज्ञा जैनीयमिति ज्ञात्वा सप्तविधपात्रनिर्योगम् / मुखवसनवत्प्रतिलिखेत् पञ्चाधिकविंशतिस्थानैः // 64 // 131
