________________ पालयन्ति पुनश्चैत - द्विशुद्धं सर्वसाधवः / पञ्चधा चरणोधुक्ता, पञ्चधाऽऽचारकारिणः // 244 // कालोचितक्रियासक्ताः, सामाचारीत्रयोद्यताः / परीषहोपसर्गाणां, जेतारो विजितेन्द्रियाः // 245 // ब्रह्मचर्य पुनः सर्व - व्रतेष्वप्यतिदुश्चरम् / लोके लोकोत्तरे चैव, ख्यातं शीलमिति स्फुटम् // 246 // यौवनेऽपि समारूढा, वृद्धायन्ते विवेकिनः / अनाचारे न वर्तन्ते, शीलमालिन्यभीरवः // 247 // वधबन्धनदुःखानि, नानाकाराः कदर्थनाः / राजादिलोकतो नैव, लभन्ते शीलशालिनः // 248 // विश्वासकारणं शीलं शीलमुन्नतिकारणम् / सर्वसौख्यकरं शीलं, शीलं कीर्तिकरं परम् // 249 // शीलाभरणेन ये नित्यं, सर्वाङ्गेषु विभूषिताः। . किमन्यैर्भूषणैस्तेषां, भारभूतैर्निरर्थकैः . // 250 // करिकेशरिशार्दूल - सर्पोऽनलजलान्यमी / स्तम्भयन्ति क्षणादेव, सुशीलाः शीलमन्त्रतः // 251 // सिंहासनायते शूला, कालकूटं सुधायते / मालायन्ते च शस्त्राणि, येषां शीलं समुज्ज्वलम् // 252 // शीलसारगुणाऽऽकृष्ट - चेतसोऽमृतभोजिनः / आगच्छन्ति स्मृताः सन्तो, व्रजन्ति च विसर्जिताः // 253 // विशालशीले सरलः सुरूपः, सुदर्शनः श्रेष्ठिसुतो निदर्शनम् / महासती पालितशुद्धशीला, ज्ञातं द्वितीयं त्विह शीलसुन्दरी // 254 // तपः प्रतप्यमानस्य, क्षीयन्ते कर्मसञ्चयाः / तत्क्षयाच्च निर्वाणं, परमानन्दसुखं ततः // 255 // . 115
