________________ जनाधिपः पाण्डुसुतः सबन्धुर्वनेऽचरत् द्यूतरसाद् गतश्रीः / नलः स्वकीयामबलामपास्य, प्रभुत्वहीनोऽन्यनृपं सिषेवे // 47 // झषस्तु मूढो मरणं प्रयाति, पलाग्रहात् कण्टकविद्धतालुः / / जीवं विनाश्यामिषमत्ति जानन्, मुहुर्मुहुर्मृत्युमुपैति चाङ्गी // 48 // झटित्युदरपूर्तये तरललोलया लालितः, करोति हि पलाशनं मनसि मोदमुच्चैर्वहन् / न चार्थपरिमर्शनं प्रकुरुतेऽस्य मूढो जनो, ऽयमद्मि बलतोऽधुना किल मांसं पुरो घत्स्यति (जक्ष्यति) // 49 // झम्पायां कष्टशैलस्य पातितो हि मुहर्मुहुः / बको मांसाऽशनेनैव वेदनाभाग् भवेऽभवत् झम्पापातः प्रदत्ते सकृदिह मरणं. प्राणिनां सोऽपि सम्यक् भुक्तः क्ष्वेडस्त्वरितमसुहृत् तादृशो रज्जुपाशः / जाग्रज्ज्वालज्वलनसदने संप्रवेशोऽपि तद्वत्, मांसाहारः सकृदपि कृतः स्यान् मुहुर्मृत्युदाता न विज्ञानं ज्ञानं न. वरगुणगानं जिनपते, न च ध्यानं स्थानं नहि शुभकलानां कथमपि / प्रधानं सन्मानं भवति च न दानं मतिमतां, निदानं दुःखानामहह मधुपानं रचयतः // 52 अवर्णो यथा (अवर्णोऽस्वरः) प्राक्रस्थजेनाऽस्वरेण, ज्ञभावं विकारं भजेत् शब्दशास्त्रे / अभिज्ञोऽपि ना मद्यपानेन नूनं, भवेच्चाऽनभिज्ञो छुपादेयहेये // 53 // टीकन्ते न कदाचिदेव जगति क्षीबाः स्वकीयं हितं, मत्ता वृष्णिसुता विवेकरहिता जघ्नुर्हठाद् यं पुरा / पाराशर्यमुनिर्ददाह स च तान् यद् द्वारिकायां स्थितान्, मुत्वा विष्णुबलौ मदव्यसनकं तस्माद् द्रुतं तत्त्यज * // 54 //
