________________ विद्वानहं सकललब्धिरहं नृपोऽहं दाताहमद्भुतगुणोऽहमहं गरीयान् / इत्याद्यहंकृतिवशात्परितोषमेषि नो वेत्सि किं परभवे लघुतां भवित्रीम् वेत्सि स्वरूपफलसाधनबाधनानि, धर्मस्य, तं प्रभवसि स्ववशश्च कर्तुम् / तस्मिन् यतस्व मतिमन्नधुनेत्यमुत्र, . किञ्चित्त्वया हि नहि सेत्स्यति भोत्स्यते वा // 130 // धर्मस्याऽवसरोऽस्ति पुद्गलपरावर्तेरनन्तैस्तवाऽऽयातः संप्रति जीव हे प्रसहतो दुःखान्यनन्तान्ययम् / स्वल्पाहः पुनरेष दुर्लभतमश्चास्मिन् यतस्वार्हतो, धर्मं कर्तुमिमं विना हि न हि ते दुःखक्षयः कहिचित् // 131 // गुणस्तुतीर्वाञ्छसि निर्गुणोऽपि सुखप्रतिष्ठादि विनापि पुण्यम् / अष्टाङ्गयोगं च विनापि सिद्धीर्वातूलता कापि नवा तवात्मन् / / 132 // पदे पदे जीव ! पराभिभूती:, पश्यन् किमीर्ण्यस्यधमः परेभ्यः / अपुण्यमात्मानमवैषि किं न, तनोषि किं वा नहि पुण्यमेव // 133 / / किमर्दयन्निर्दयमङ्गिनो लघून्, विचेष्टसे कर्मसु ही प्रमादतः / यदेकशोऽप्यन्यकृतार्दनः सहत्यनन्तशोऽप्यंग्ययमर्दनं भवे // 134 // यथा सर्पमुखस्थोऽपि, भेको जन्तूनि भक्षयेत् / तथा मृत्युमुखस्थोऽपि, किमात्मन्नर्दसेंऽगिनः // 135 / / आत्मानमल्पैरिह वञ्चयित्वा, प्रकल्पितैर्वा तनुचित्तसौख्यैः / भवाधमे किं जन ! सागराणि, सोढासि ही नारकदुःखराशीन्।। 136 // उरभ्रकाकिण्युदबिन्दुकानवणित्रयीशाकटभिक्षुकाद्यैः / . निदर्शनैर्दारितमर्त्यजन्मा, दुःखी प्रमादैर्बहु शोचितासि // 137 // पतङ्गभृङ्गैणखगाहिमीनद्विपद्विपारिप्रमुखाः प्रमादैः / / / शोच्या यथा स्युर्मृतिबन्धदुःखैश्चिराय भावी त्वमपीति जन्तो! 138
