________________ मृत्पिण्डरूपेण विनश्वरेण, जुगुप्सनीयेन गदालयेन / देहेन चेदात्महितं सुसाधं, धर्मान्न किं तद्यतसेऽत्र मूढ ! // 61 // // 6 // विषयप्रमादत्यागाधिकारः अत्यल्पकल्पितसुखाय किमिन्द्रियाथैस्त्वं मुह्यसि प्रतिपदं प्रचुरप्रमादः। एते क्षिपन्ति गहने भवभीमकक्षे जन्तून यत्र सुलभा शिवमार्गदृष्टि:६२ आपातरम्ये परिणामदुःखे, सुखे कथं वैषयिके रतोऽसि / जडोऽपि कार्यं रचयन् हितार्थी, करोति विद्वन् ! यदुदर्कतर्कम् 63 // यदिन्द्रियार्थैरिह शर्म बिन्दुवद्यदर्णवत्स्वःशिवगं परत्र च / तयोमिथोऽस्ति प्रतिपक्षता कृतिन् ! विशेषदृष्ट्यान्यतरद् गृहाण तत्६४ भुङ्क्ते कथं नारकतिर्यगादिदुःखानि देहीत्यवधेहि शास्त्रैः / निवर्तते ते विषयेषु तृष्णा, बिभेषि पापप्रचयाच्च येन // 65 // गर्भवासनरकादिवेदनाः, पश्यतोऽनवरतं श्रुतेक्षणैः / / नो कषायविषयेषु मानसं, श्लिष्यते बुध ! विचिन्तयेति ताः // 66 // वध्यस्य चौरस्य यथा पशोर्वा, संप्राप्यमाणस्य पदं वधस्य। शनैः शनैरेति मृतिः समीपं, तथाखिलस्येति कथं प्रमादः // 67 / / बिभेषि जन्तो ! यदि दुःखराशेस्तदिन्द्रियार्थेषु रतिं कृथा मा। सदुद्भवं नश्यति शर्म यदट्रक्, नाशे च तस्य ध्रुवमेव दुःखम् 68 मृतः किमु प्रेतपतिर्दुरामया, गताः क्षयं किं नरकाश्च मुद्रिताः / ध्रुवाः किमायुर्धनदेहबन्धवः, सकौतुको यद्विषयैर्विमुह्यसि // 69 // विमोह्यसे कि विषयप्रमादैर्धमात्सुखस्यायतिदुःखराशेः / तद्गर्धमुक्तस्य हि यत्सुखं ते गतोपमं चायतिमुक्तिदं तत् // 70 // 210
