________________ या सिद्धयोऽष्टावपि दुर्लभा ये, रसायनं चाञ्जनधातुवादाः। ध्यानानि मन्त्राश्च समाधियोगाश्चित्तेऽप्रसन्ने विषवद् भवन्ति।। 30 // विन्दन्ति लत्त्वं न यथास्थितं वै सङ्कल्पचिन्ताविषयाकुला ये। संसारदुःखैश्च कर्थितानाम् स्वप्नेऽपि तेषां न समाधिसौख्यम् 31 श्लोको वरं परमतत्त्वपथप्रकाशी, न ग्रन्थकोटिपठनं जनरञ्जनाय। . सञ्जीवनीति वरमौषधमेकमेव, व्यर्थः श्रमप्रजननो न तु मूलभारः 32 . तावत् सुखेच्छा विषयादिभोगे, यावन्मनः स्वास्थ्यसुखं न वेत्ति / लब्धे मनःस्वास्थ्यसुखैकलेशे त्रैलोक्यराज्येऽपि न तस्य वाञ्छा // 33 // न देवराजस्य न चक्रवर्तिनस्तदै सुखं रागयुतस्य मन्ये / . यद्वीतरागस्य मुनेः सदात्मनिष्ठस्य चित्ते स्थिरतां प्रयाति // 34 // यथा यथा कार्यशताकुलं वै कुत्रापि नो विश्रमतीह चित्तम् / तथा तथा तत्त्वमिदं दुरापं हृदि स्थितं सारविचारहीनैः // 35 // शमसुखरसलेशात् द्वेष्यतां संप्रयाता, विविधविषयभोगात्यन्तवाञ्छाविशेषाः / परमसुखमिदं यद् भुज्यतेऽन्तः समाधौ, मनसि यदि तदा ते शिष्यते किं वदान्यत् ? // 36 // 30
