________________ औदारिकप्रयोक्ता, प्रथमाष्टमसमययोरसाविष्टः / मिश्रौदारिकयोक्ता, सप्तमषष्ठद्वितीयेषु // 275 // कार्मणशरीरयोगी, चतुर्थके पञ्चमे तृतीये च / समयत्रयेऽपि तस्मिन्, भवत्यनाहारको नियमात् // 276 // स समुद्घातनिवृत्तो-ऽथ मनोवाक्काययोगवान् भगवान् / . यतियोग्ययोगयोक्ता, योगनिरोधं मुनिरुपैति // 277 / / पञ्चेन्द्रियोऽथ संज्ञी, यः पर्याप्तो जघन्ययोगी स्यात् / निरुणद्धि मनोयोगं, ततोऽप्यसंख्यातगुणहीनम् // 278 / / द्वीन्द्रियसाधारणयोर्वागुच्छ्वासावधो जयति तद्वत् / . पनकस्य काययोगं, जघन्यपर्याप्तकस्याधः // 279 // सूक्ष्मक्रियमप्रतिपाति, काययोगोपगस्ततो ध्यात्वा / विगतक्रियमनिवर्ति-त्वमुत्तरं ध्यायति परेण // 280 // चरमभवे संस्थानं, यादृग्यस्योच्छ्यप्रमाणं च / तस्मात्रिभागहीना-वगाहसंस्थानपरिणाह: .. // 281 // सोऽथ मनोवागुच्छ्वासकाययोगक्रियार्थविनिवृत्तः / अपरिमितनिर्जरात्मा, संसारमहार्णवोत्तीर्णः // 282 // ईषद्धस्वाक्षरपञ्चकोद्गिरणमात्रतुल्यकालीयाम् / संयमवीर्याप्तबलः, शैलेशीमेति गतलेश्यः . . // 283 // पूर्वरचितं च तस्यां, समयश्रेण्यामथ प्रकृतिशेषम् / समये समये क्षपय-त्यसंख्यगुणमुत्तरोत्तरतः // 284 // चरमे समये संख्या-तीतान्विनिहन्ति चरमकर्माशान् / .. क्षपयति युगपत् कृत्स्नं, वेद्यायुर्नामगोत्रगणम् // 285 // सर्वगतियोग्यसंसार-मूलकरणानि सर्वभावीनि / औदारिकतैजसकार्मणानि सर्वात्मना त्यक्त्वा / // 286 // 24
