________________ सर्वेन्धनैकराशी-कृतसन्दीप्तो ह्यनन्तगुणतेजाः / ध्यानानलस्तपः प्रशम-संवरहविर्विवृद्धबलः // 263 // क्षपकश्रेणिमुप[परि]गतः, स समर्थः सर्वकर्मिणां कर्म / क्षपयितुमेको यदि कर्म-संक्रमः स्यात्परकृतस्य // 264 // परकृतकर्मणि यस्मा-नाक्रामति संक्र मो विभागो वा। तस्मात्सत्त्वानां कर्म यस्य यत्तेन तद्वेद्यम् // 265 // मस्तकसूचिविनाशा-त्तालस्य यथा ध्रुवो भवति नाशः। तद्वत्कर्मविनाशो, हि मोहनीयक्षये नित्यम् // 266 // छद्मस्थवीतरागः, कालं सोऽन्तर्मुहूर्तमथ भूत्वा / युगपद्विविधावरणा-न्तरायकर्मक्षयमवाप्य // 267 // शाश्वतमनन्तमनतिश- यमनुपममनुत्तरं निरवशेषम् / संपूर्णमप्रतिहतं, सम्प्राप्तः केवलं ज्ञानम् . // 268 // कृत्स्ने लोकालोके, व्यतीतसाम्प्रतभविष्यतः कालान् / द्रव्यगुणपर्यायाणां, ज्ञाता द्रष्टां च सर्वार्थः . // 269 // क्षीणचतुष्कर्माशो, वेद्यायुर्नामगोत्रवेदयिता। विहरति मुहूर्तकालं, देशोनां पूर्वकोटि वा // 270 // तेनाभिन्नं चरमभवायु-१र्भेदमनपवर्तित्वात् / तदुपग्रहं च वेद्यं, तत्तुल्ये नामगोत्रे च // 271 // यस्य पुनः के वलिनः, कर्म भवत्यायुषोऽतिरिक्ततरम् / स समुद्घातं भगवा-नथ गच्छति तत्समीकर्तुम् // 272 // दण्डं प्रथमे समये, कपाटमथ चोत्तरे तथा समये / मन्थानमथ तृतीये, लोकव्यापी चतुर्थे तु // 273 // संहरति पञ्चमे त्वन्तराणि मन्थानमथ पुनः षष्ठे / सप्तमके तु कपाटं, संहरति ततोऽष्टमे दण्डम् / // 274 // 23
